web counter
LEXO PA REKLAMA!

SHKARKO APP

App Store
Google Play

E fundit!

x

"Furtunë" në listat e PS/ Pritet rinovimi i grupit parlamentar

9 Mars 2025, 13:57, Politikë CNA

"Furtunë" në listat e PS/ Pritet rinovimi i grupit

Zbulohen detaje nga takimet e sotme në vilën qeveritare të kryeministrit Rama me drejtuesit e qarqeve.

Raportohet se në takimet e sotme është diskutuar se Partia Socialiste do t’i nënshtrohet një reformimi të thellë nga kryeministri Edi Rama.

Përflitet se më shumë se 60% e grupit aktual parlamentar nuk do të jetë më. Pritet që socialistët të kenë një grup të rinovuar parlamentar.

 

Këtë e ka paralajmëruar dhe ditën e djeshme kryeministri. Rama ka deklaruar në një takim me gratë se në listat e mbyllura të Partisë Socialiste do të jenë figura të reja socialiste, përfshirë vajza, gra dhe djem të paangazhuar më herët në politikën aktive.

 

“Në listat e mbyllura do kemi djem, vajza dhe gra që janë forca e të resë, forca e gruas dhe forca e një Shqipërie që shikon përtej 2030. Në gjithë pjesën tjetër të skuadrës do të përfshijmë të gjitha energjitë, eksperiencat dhe burrat luftëtarë do të jenë aty për të shkuar dhe fituar në territor vota për PS-në”, u shpreh kryeministri.

 

Kujtojmë se kryeministri më herët ka deklaruar se ai do të kandidojë në qarkun e Tiranës dhe do të jetë pjesë e listës së hapur.

Pjesë e kësaj liste Rama tha se do të jenë dhe deputetët me më shumë se një mandat./ CNA





Lajmet e fundit nga