web counter
LEXO PA REKLAMA!

SHKARKO APP

E fundit!

x

8 Marsi/ Besim Ndregjoni: Unë sot protestoj

8 Mars 2025, 14:20, Politikë CNA

8 Marsi/ Besim Ndregjoni: Unë sot protestoj

Presidenti i Unionit Mbarëkombëtar Integrimit të të Burgosurve dhe të Përndjekurve Politikë të Shqipërisë, Besim Ndregjoni, në kuadër të 8 Marsit, Ditës Ndërkombëtare të Gruas, proteston se përse në Tiranë nuk ka një memorial kushtuar nënave dhe motrave që u pushkatuan, u burgosën, u internuan vetëm se ishin antikomuniste.  

“8 Marsi dita e nënave dhe grave, unë sot protestoj përse në Tiranë nuk ka një memorial kushtuar nënave dhe motrave që u pushkatuan, u burgosën, u internuan vetëm se ishin antikomuniste!

Sot është 8 marsi dita e nënave dhe grave!

Sot në këtë ditë përulem me venerim për nënat, motrat, dhe gratë fisnike shqiptare që u pushkatuan,u burgosën, u internuan,unë sot protestoj publikisht që në Tiranë nuk ka një memorial kushtuar nënave dhe motrave antikomuniste!

Mijëra nëna, motra dhe gra kaluan kalvarin e vuatjeve nëpër burgje dhe kampe përqëndrimi duke ju u gjetur mbështetje baballarve, vëllezërve, bijëve, nën kamzhikun e xhelatëve komunistë, por nuk u përulën, u qëndruan krenare torturave dhe përçuan qëndresë e krenari kombëtare!

Lavdi këtyre grave fisnike antikomuniste!”, deklaron Ndregjoni./ CNA





Lajmet e fundit nga