web counter
LEXO PA REKLAMA!

SHKARKO APP

App Store
Google Play

E fundit!

x

“Zvarritja e hetimeve për trafikun e lëndëve toksike”/ Muçollari: Qeveria po ruan Kumbaron dhe Vëngun

8 Mars 2025, 11:25, Politikë CNA
“Zvarritja e hetimeve për trafikun e lëndëve
Anëtari i Kryesisë së PD-së Grigels Muçollari

Anëtari i Kryesisë së PD-së, Grigels Muçollari, në një deklaratë për mediat është shprehur se zvarritja e hetimeve për trafikun ndërkombëtar të lëndëve toksike është e dyshimtë dhe e papranueshme.

Muçollari thekson se po pengohen hetimet dhe nuk po bëhet transparencë. Ai nënvizon se e gjitha kjo po bëhet për të mbrojtur karrierën e dy ministrave të Ramës, Mirela Kumbaros dhe Piro Vëngut.

“Zvarritja e hetimeve për trafikun ilegal ndërkombëtar të lëndëve të rrezikshme, është e papranueshme.

Teksa para 10 ditësh një tjetër sasi me mbetje toksike u kap në Ankona, pasi ishte nisur nga Durrësi, Prokuroria ende nuk ka gjetur laboratorin për të bërë analizat për 102 kontejnerët, që u refuzuan verën e kaluar nga Tajlanda e u kthyen aty ku ishin nisur, në portin tonë më të madh.

6 muaj pasi janë sekuestruar dhe ka nisur procedimi, Prokuroria e Durrësit njofton se më në fund ka identifikuar një laborator.

Kjo zvarritje hetimesh është e dyshimtë. Kjo zvarritje hetimesh i intereson kësaj godinës këtu. Rrjeti i Bazelit dhe zyra e BE-së, OLAF, ishin të gatshme të ndihmonin. Por çështjen e mori prokuroria.

Është e qartë që kemi të bëjmë me një pengim të së vërtetës dhe mohim të transparencës. Po të zbardhej me objektivitet e shpejtësi ngjarja, në këtë trafik ndërkombëtar mbetjesh del e përfshirë qeveria me përgjegjësinë direkte të ministrave Kumbaro e Vëngu.

Mesa duket, për Prokurorinë e Durrësit, imazhi i qeverisë, i këtij kryeministri këtu, para zgjedhjeve dhe karriera e Kumbaros dhe Vëngut janë më të rëndësishme se mjedisi dhe shëndeti i qytetarëve.

Partia Demokratike është e angazhuar dhe ka vullnetin e plotë për të mos lejuar që lëndët e rrezikshme dhe trafiku i tyre të ndodhin më në Shqipëri. Kjo ndryshon. Ndryshon me votën e 11 majit”, ka deklaruar Muçollari./ CNA





Lajmet e fundit nga