Pse gënjejnë avokatët e Erion Veliajt?

7 Mars 2025, 16:32, Politikë CNA

Avokatët e Veliajt kanë dalë në një konferencë shtypi duke përsëritur të njëjtën retorikë të dhënë nga Erion Veliaj, që Ols Dado është në konflikt interesi. Në fakt kjo është një gënjeshtër dhe është e dhimbshme kur e thonë dhe avokatë si Maks Haxhia, megjithëse varianti “dy paketa Visi” është tashmë i ezauruar. Jemi përballë faktit që nuk ka një konflikt interesi, për këtë ka dhe një vendim të Gjykatës së Lartë.

Sepse konflikti i interesit është kur ti je në marrëdhënie. Cila është marrëdhënia që ka Erion Veliaj? Cilat janë provat që ka nxjerë Erion Veliaj në lidhje me konfliktin e interesit ndaj prokurorit Ols Dado? Dhe e dyta nuk është vetëm një prokuror, pra nuk është vetëm Ols Dado, është dhe Altin Dumani. Pra avokatët po përpiqen bashkë me Veliajn të ngrejnë tymnajë se ka konflikt interesi, por ka disa detaje, shtrohen dhe disa pyetje.

Së pari, Ols Dado lejen e ka marrë në 2021, ndërkohë më pas në vitin 2023 ka dhënë dy vendime për Erion Veliajn. Pse atëherë nuk ka pretenduar Erioni për konflikt interesi? Së dyti, konflikti interesit duhet të jesh në marrëdhënie direkte. Pra konflikt interesi do të ishte nëse tani, në këto momente do të kishte një procedurë të kërkuar nga Ols Dado ndaj Erion Veliajt ose ndaj Bashkisë së Tiranës, apo Altin Dumani. Së treti, pse merren vetëm me Ols Dadon dhe nuk përmendin Altin Dumanin? Cila është arsyeja? Së katërti, konflikti i interesit që pretendohet, le të nxjerrin një dokument, një mesazh, një fakt, një provë. Sepse Ols Dado ia ka thënë në seancë të pandehurit Erion Veliaj, që unë kam mesazhin tim që ty të kam falenderuar. Së pesti, në fillim u tha konflikt interesi se është dhënë leja. E lanë atë mënjanë. Tani kanë dalë te varianti konflikt interesi se ka kërkuar kate shtesë. Po cilat kate shtesë? Të nxjerri një fakt dhe një provë Erion Veliaj. Një dokument a një mesazh, një shkresë përkatëse, një aplikim.

Prokurori Ols Dado dhe tri rastet “pro” kryebashkiakut, që Erion Veliaj po i përsërit sërish nga burgu
7 Mars, 11:35

Se me fjalë mund të thuash shumë, çështja është që Erion Veliaj është i pandehur se ka prova, ka fakte. Kurse ato që thotë Erion Veliaj janë thjesht dhe vetëm zhurmë, propagandë dhe asgjë më shumë e asgjë më pak se sa shantazh i hapur ndaj drejtësisë dhe presion ndaj gjyqtarit Engert Pëllumbi që ta nxjerrë Erion Veliajn nga burgu. Kaq, asgjë më shumë se kaq.

Më poshtë po sjellim disa nga gjërat e thëna nga avokati famoz Ermir Beta i Arben Rakipit apo dhe Maks Haxhia i “Viso dy paketa”, që lexuesit t’i kuptojnë më mirë broçkullat e pabesueshme të disa juristëve, që ndoshta iu vjen dhe turp që dalin në të tilla konferenca shtypi, ku nuk lejohen kamerat dhe nuk lejohen gazetarët të jenë prezentë tamam siç duan ata, por materialet të shpërndahen nga zyra e propagandës së Bashkisë Tiranë.

“Veliaj ka shfaqur edhe vetë konfliktin e Interesit. Kjo kërkesë ka qenë verbale dhe shkaku ishte konflikti i interesit për një leje ndërtimi. Në mungesë të një përgjigje aty për aty, ne si mbrojtje kemi formalizuar kërkesën përjashtimin e Ols Dados apo zëvendësimin. Kemi shtuar edhe pjesë ku ne e shikojmë Ols Dadon si të njëanshëm. Akoma s’kemi marrë një përgjigje. Vetëm për Veliajn mund të flas. Do ndjekim të gjithë hapat. Volumi është me 66 fashikuj ku një fashikull ka afro 400 faqe. Veliaj ka qenë bashkëpunues gjithmonë. Nuk ka intimiduar asnjë dëshmitar. Më datë 10 shkurt i është njoftuar masa dhe sapo iu dha mundësia bëri kërkesën për zëvendësimin e Ols Dados”, tha Ermir Beta.

"Veliaj me të drejtë thotë se ka konflikt interesi me prokurorin Ols Dado. Sipas procedurave në këto raste duhet të japë dorëheqjen nga çështja. Nuk kishte pse çështja të kalonte në konflikt. Ne kemi vënë në dijeni autoritetet përkatëse për ta zëvendësuar. Të komunikosh në whatsap ditë të shtune pushimi është e papranueshme. Ne sot për sot nuk kemi asnjë dijeni për ndonjë akuzë të re për Erion Veliajn. Vetë Veliaj ka thënë se ka kërkuar leje dhe nga leja ka kërkuar shtesë kati dhe aty lindi debati për Ols Dadon", u shpreh Maks Haxhia./ CNA