web counter
LEXO PA REKLAMA!

SHKARKO APP

App Store
Google Play

E fundit!

x

Regjistrimi i emigrantëve/ Celibashi zbulon detaje: Në 9 mars do të shpallim listën

7 Mars 2025, 10:29, Politikë CNA
Regjistrimi i emigrantëve/ Celibashi zbulon detaje: Në 9 mars do
Kreu i KQZ-së, Ilirjan Celibashi

Kreu i KQZ-së, Ilirjan Celibashi, në një bashkëbisedim me gazetarët ka bërë me dije se në datën 9 mars do të shpallë listën me zgjedhësit nga Diaspora.

Celibashi u shpreh se pas publikimit të listës të gjithë ata që duan të bëjnë ndryshime, këto do të bëhen vetëm në adresë dhe në asnjë të dhënë tjetër.

“Ajo çfarë parashikohet në Kodin Zgjedhor është sa vijon. Nga 9 marsi vetëm ata të cilët janë të regjistruar kanë të drejtë të kërkojnë të bëjnë ndryshime që lidhen me adresën dhe vetëm me adresën me të dhënat që kanë në PER.

Çdo gjë tjetër që ka të bëjë me identitetin e tyre është e saktë dhe nuk ka vend për t’u riparë. Për adresën mund të ketë vend për një numër zgjedhësish të paracaktuar.

Ne kemi përfunduar procesin, në datë 9 shpallim listën paraprake. Nëse shihen pasaktësi në adresë do të rikonsiderohen të dhënat.

KQZ mund të kërkojë në ndonjë rast saktësime”, tha Celibashi.

Ndër të tjera Celibashi u shpreh se kush ka ankesa mund t’i drejtohet Gjykatës së Tiranës përmes një platforme online.

“Të gjitha ata që u është refuzuar kërkesa nga KQZ-ja mund të ankohen jo më vonë se 11 prill në Gjykatën e Tiranës, nëpërmjet një platforme online”, deklaroi Celibashi./ CNA





Lajmet e fundit nga