web counter
LEXO PA REKLAMA!

SHKARKO APP

App Store
Google Play

“Tërësisht arsye elektorale”/ Duka: TikTok u mbyll për të mbrojtur PS-në

6 Mars 2025, 20:57, Politikë CNA

“Tërësisht arsye elektorale”/ Duka: TikTok u mbyll

Kryetari i Partisë Agrare Ambientaliste, Agron Duka në një status në rrjetet sociale ka reaguar për vendimin e mbylljes së TikTok.

Duka shkruan se TikTok u mbyll për arsye elektorale dhe jo për sigurinë e fëmijëve.

 

"Tik-Tok nuk u mbyll për të mbrojtur fëmijët, por për të mbrojtur PS-në!

Qeveria nuk i ka rezistuar më tej reagimit dhe kritikave të qytetarëve në rrjetet sociale mbi aferat e saj. Vetëm dy muaj para zgjedhjeve, ajo njoftoi mbylljen e platformës masive të komunikimit Tik-Tok. Pas disa paralajmërimeve, ajo më në fund vendosi të mbyllë një nga kanalet më të rëndësishme të kritikës kundër saj. Platformë të cilën nuk mund ta “reklamojë” përmes njerëzve që ajo paguan për të shërbyer si ushtri e “like”-rave apo sulmues në rrjetet sociale. Qeveria këmbëngul se po mbron fëmijët me mbylljen e kësaj platforme, duke përdorur si argument ca takime elektorale nëpër shkolla, të cilët i shet si konsultime me prindër. Por e vërteta është krejt tjetër.

Fëmijët kanë nevojë të mbrohen nga të gjitha platformat, por kjo nuk bëhet duke i mbyllur, apo duke mbyllur vetëm atë që nuk e kontrollon dot. Ne si PAA mbështesim çdo përpjekje për të krijuar një mjedis të shëndetshëm social për fëmijët dhe të rinjtë dhe ne jemi për të filtruar dhe mbrojtur fëmijët nga produktet e rrezikshme në rrjetet sociale. Por mbyllja e Tik-Tok është tërësisht për arsye elektorale.

Tik-Tok nuk u mbyll për të mbrojtur fëmijët, por për të mbrojtur Partinë Socialiste", shkruan Duka./ CNA





Lajmet e fundit nga