web counter
LEXO PA REKLAMA!

SHKARKO APP

App Store
Google Play

E fundit!

x

Takimet me Diasporën/ Berisha: E qartë se mbështesin PD

6 Mars 2025, 19:25, Politikë CNA

Takimet me Diasporën/ Berisha: E qartë se mbështesin PD

Kryetari i Partisë Demokratike, Sali Berisha në një takim me strukturat në Durrës ka folur për takimetr me emigrantët.

Berisha i quan këto takime si fitore, rfeferuar entuziazmit dhe optimizmit që ka vënë re.

Kreu i PD tha se në takimet me emigrantët ai ka konstatuar urrejtjen që ata dnjejnë për qeverinë e Ramës, por dhe optimizëm për rrëzimin e kësaj qeverie.

Tashmë është e qartë tha Berisha, se shqiptarët jashtë vendit mbështesin PD.

“Puna e bërë nga ju, drejtuesit e degës, kandidatët, që nderuan garën krijuan një epërsi të madhe morale dhe numerike në mbështetjen e PD kudo në Itali, Gjermani, SHBA, Britani dhe kudo. Mendoj se, me fitoren tonë në diasporë, në kuptimin e një angazhimi, një entuziazmi, një optimizmi të paparë, ju garantoj që unë kam përjetuar takime të tilla, veçse në vitet 1990-1991. Një entuziazëm i papërmbajtur, i papërshkruar i qytetarëve shqiptarë jashtë vendi. Dhe e kam pyetur veten shumë herë, pse kjo, çfarë ndodh me ta? Dhe përgjigja është vetëm një: sepse ata jetojnë në vende të lira dhe ata e kuptojnë më mirë se të gjithë të tjerët se çfarë do të thotë të persekutosh, të arrestosh për motive politike, drejtuesit e partive politike opozitare. Se çfarë do të thotë të marrësh mandate të fituara me votë të opozitës. Se çfarë do të thotë të burgosësh deputetë të rinj të opozitës, vetëm e vetëm se guxojnë t’u thonë qytetarëve shqiptarë të vërtetën.

Ata, më shumë se të gjithë të tjerët e ndiejnë se Shqipëria nuk është një vend për t’u braktisur, por të tillë e bëri qeveria e sotme me narkoshtetin dhe narkodiktaturën. Pra, në këto takime kam konstatuar, atë, të themi edhe urrejtje ndaj regjimit, por edhe optimizëm dhe entuziazëm për rrëzimin e tij. Dhe këtu, keni merita të mëdha, të gjithë ju që punuat, të gjithë ju që u angazhuat në dialog, në bashkëbisedim dhe i ftuat ata të kontribuojnë kësaj here për shpëtimin e Shqipërisë. Kjo, përbën një avantazh të madh për PD. Ky entuzizëm dhe ky optimizë ka ngrohur shumë zemrat e shqiptarëve. Tashmë, është bërë e qartë përfundimisht se shqiptarët jashtë vendit mbështesin PD, mbështesin opozitën si forcën dhe forcat e vetme politike për shpëtimin e Shqipërisë”, tha Berisha./ CNA





Lajmet e fundit nga