web counter
LEXO PA REKLAMA!

SHKARKO APP

App Store
Google Play

E fundit!

x

Qeveria mbyll "TikTok"-un për 12 muaj/ Zhupa: Antikushtetuese, Rama në ditën më të keqe

6 Mars 2025, 14:11, Politikë CNA

Qeveria mbyll "TikTok"-un për 12 muaj/ Zhupa: Antikushtetuese,

 

Kryetarja e Komisionit të Mediave, Ina Zhupa, ka reaguar pas vendimit të qeverisë që miratoi mbylljen e "TikTok"-ut për 12 muaj, vendim që do të aplikohet pas rreth 1 jave nga Agjencia për Sigurinë Kibernetike.

Zhupa është shprehur se ky ishte një urdhër për censurë politike sepse Rama ose kryeministri në ikje siç e quan ajo është panikosur nga liria e qytetarëve.

"Mbyllja e TIK TOK akt i papranueshëm antikushtetues, censurë politike.

Rrjetet sociale janë një medium lirie dhe fjale, që nuk mund të hiqen me një urdhër politik të një kryeministri në ikje të panikosur nga liria e qytetarëve.

Rinia është përdoruesja kryesore e këtij mediumi, Tik Tok është rrjeti social më i pakontrollueshëm nga propoganda qeveritare. Edi Rama është në ditën e vet me të keqe, një kryecensor për të fshehur pakënaqësitë dhe urrejtjen ndaj qeverisë së tij", shkruan Zhupa.

Ina Zhupa bëri thirrje për pjesëmarrje në protestën e 15 marsit që siç deklaroi dhe kryedemokrati Berisha më herët do jetë për çlirimin e "TikTok"-ut dhe kundër censurës.

"Të gjithë në protestë për lirinë e fjalës, për lirinë e shprehjes, kusht kryesor i demokracisë.

15 MARS në Sheshin Skënderbej!

Rinia se pranon censurën! Se pranon mbylljen e gojës!", tha Zhupa në apelin e saj drejtuar të rinjve./ CNA

 





Lajmet e fundit nga