web counter
LEXO PA REKLAMA!

SHKARKO APP

App Store
Google Play

Veliaj pranon mesazhet intimiduese

6 Mars 2025, 11:51, Politikë CNA

Veliaj pranon mesazhet intimiduese

Kryebashkiaku i arrestuar i Tiranës, Erion Veliaj, me dy akuza të rënda, korrupsion dhe pastrim i produkteve të veprës penale, ka pranuar sot mesazhet intimiduese ndaj agjentëve dhe prokurorit.

Në një tjetër reagim të publikuar sot në rrjetet sociale, Veliaj tregon se i ka dërguar mesazh intimidues njërit prej agjentëve, i cili kishte ushtruar kontroll në Bashkinë e Tiranës.

Kështu qartësisht Veliaj me këtë deklaratë qartëson se nuk është arrestuar se mos largohej nga vendi, por që të mos vazhdonte të intimidonte dhe prishte provat, përveç faktit që ndaj tij rëndojnë dy akuza mjaft të rënda për të cilat rrezikon deri 15 vite burg.

“Besoj bëra atë që do të bënte çdo burrë, i rashë telefonit të numrit anonim për të kuptuar se cili nëpunës shteti komunikon me 'WhatsApp' të shtunën në sabah me një grua, nënë, në prag të Vitit të Ri? Numri nuk u përgjigj.

Teksa avioni bëhej gati për nisje, duke qenë se u bë e përsëritur, që sapo largohesha jashtë vendit, Olsi i sulej familjes sime, i shkruaj me sms këtij Sametit 'është ditë e shtunë - sabat, shabat - edhe Perëndia pushoi të shtunën' dhe i kujtoj se është 'turp kjo përndjekje e përsëritur e sime shoqeje sapo unë largohem nga vendi, e i them thuaji Ols Dados boll e molestove gruan time'”, shkruan ndër të tjera Veliaj.

Po ashtu shihet sërish gjuha fyese që ka përdorur ndaj prokurorit Ols Dado.

“Tekstin e plotë e ka Ols Kafka, autori i këtij Procesi absurd, rrëmbyesi i telefonave tanë, që helbete kur s’ka asnjë provë rrëmon si ata perversët në telefona e vrima çelësi”, shkruan kryebashkiaku i arrestuar i Tiranës./ CNA





Lajmet e fundit nga