web counter
LEXO PA REKLAMA!

SHKARKO APP

App Store
Google Play

E fundit!

x

Të parët e Primareve duhet të jenë në listat e hapura

5 Mars 2025, 19:16, Politikë CNA

Të parët e Primareve duhet të jenë në listat e hapura

Partia Demokratike zhvilloi primaret e saj, ku bie në sy që kryeson deputeti i Devollit me 1000 e ca vota. Pra një bashki e vogël ka nxjerrë Bledion Nallbatin të parin e Shqipërisë. Më pas në Tiranë del një emër si kryetari i PD Kavajë, që ka impostuar votat e tij, të të gjithë strukturës i ka çuar te vetja, e kështu me radhë. Jo vetëm kaq, dhe në Tiranë shkëlqejnë, shpërthejnë në vota.

Nëpër qytete, sipas bashkive i kanë ndarë. Kështu ka ndodhur në Korçë, në Elbasan, në Vlorë, në Fier, kudo. Prandaj është e udhës që PD-ja ta lexojë si një fitore të vërtetë. Sepse ata që mundin të marrin më shumë vota personale nga partia, kanë më shumë ushtarë në ushtrinë e tyre dhe mund të angazhojnë më shumë njerëz. Struktura mund t’i funksionojë më mirë, mund ta komandojnë atë “ushtrinë e vogël” të tyre me anëtarë, me militantë, që kanë votuar për ta. Kështu nuk kanë nevojë të jenë në listë të sigurt.

Ata duhet të jenë në listë të hapur dhe mund të rrisin votat e partisë brenda qarkut përkatës dhe në këtë rast tregojnë dy herë forcën. Janë deputetë edhe më të dobishëm, jo vetëm brenda strukturës, por tregojnë se kanë dhe votën që struktura e merr te qytetarët e tjerë. Prandaj është e udhës që Partia Demokratike ta shikojë këtë rast dhe më të votuarit të ngelen në listën e hapur.

Nuk ka rëndësi të satët ngelen në listën e hapur, por të jenë pjesë e listës së hapur, ata që kanë marrë më shumë vota. Sepse drejtuesit politikë të qarqeve nuk votohen, është normale kjo sepse ata bëjnë politikën e rajonit. Çojnë udhëzimet e piramidës dhe për më tepër në qoftë se një drejtues politik do të ishte në një listë të hapur do tentonte që gjithë votën e partisë ta çonte te vetja. Kështu që ata qëndrojnë në një listë të mbyllur.

Zonjat kanë përqindjen e tyre të caktuar dhe pjesa tjetër të jenë në listë të hapur, këta fituesit e mëdhenj që kanë bërë çudira dhe u angazhuan kaq ashpër për të mbledhur vota për veten e tyre. Sikur të punohej në katër javë apo pesë me ritmin që punuan për veten me ushtrinë që ata kanë, pra me ato qindra apo mijëra vota që kanë marrë brenda strukturës, Edi Rama jo më që nuk rri në pushtet, por PD-ja bën mazhorancë kushtetuese. Ndaj është e udhës që doktori, PD-ja, opozita ta shikojë këtë pjesën e këtyre listave të fituesve që kanë marrë maksimumin e votave për të qenë në pjesën e hapur të tyre./ CNA





Lajmet e fundit nga