web counter
LEXO PA REKLAMA!

SHKARKO APP

App Store
Google Play

“Vota e Diasporës është për meritë të Berishës”/ Baçi: Rama bëri çmos për ta penguar

5 Mars 2025, 16:29, Politikë CNA

“Vota e Diasporës është për meritë të

Deputeti i Partisë Demokratike, Luan Baçi në një dalje televizive theksoi se Partia Socialiste dhe Edi Rama kanë qenë që në krye të herës kundër votës së Diasporës në zgjedhjet e 11 majit.

Baçi, shtoi se mazhoranca është munduar që ta pengojë me forma të ndryshme procesin ndërsa tha se vota e Diasporës është meritë e kreut të PD, Sali Berisha.

“Partia Socialiste, mazhoranca, kryeministri Rama, qysh në krye të herës kanë qenë gjithmonë kundër votës së diasporës. Janë munduar me lloj-lloj arsyesh, argumentesh bajate për ta penguar, madje-madje për mos ta dhënë fare këtë proces, për mos ta quajtur këtë proces. Për mos ta vënë në lëvizje në këto zgjedhje.

Dhe për këtë ne kemi një historik tashmë të mënyrës sesi janë zhvilluar bisedat, diskutimet dhe si është arritur deri në këtë pikë. Nëse është arritur deri në këtë pikë për votën e diasporës, kjo është meritë e Partisë Demokratike dhe kryetarit të saj, zotit Berisha.

Po të kujtojmë, qysh në krye të herës me problematikat dhe pengesat që nxirrte PS, qysh në ndryshimin e Kodit Zgjedhor që e vunë si kusht që nuk pranuan listat e hapura dhe me qëllimin e vetëm që të bllokonin edhe votën e diasporës.

Por, PD mori një kosto duke pranuar atë Kod Zgjedhor për ato listat e propozuara nga PS, vetëm e vetëm për t’u miratuar vota e diasporës. U miratua vota e diasporës dhe pastaj më lejoni të them, me disa pengesa që vërtet PS dhe kryeministri i kanë vënë në këtë proces. U tha në fillim për kartat e identitetit dhe pasaportat që u kishte kaluar afati i vlefshmërisë.

Këmbëngulja e tyre ishte që këta nuk duhej të votonin. Pas një këmbëngulje shumë të fuqishme të PD, u detyruan nxorën një VKM, dhe shtynë afatin e i quajtën pasaportat të vlefshëm dhe ID që kishin kaluar afatin e skadimit”, tha Baçi.





Lajmet e fundit nga