web counter
LEXO PA REKLAMA!

SHKARKO APP

App Store
Google Play

E fundit!

x

“Prisnin me padurim të mbyllej procesi i regjistrimit”/ Koordinatori për Diasporën: PS rrëzoi veten!

4 Mars 2025, 20:35, Politikë CNA

“Prisnin me padurim të mbyllej procesi i regjistrimit”/

Koordinatori për Diasporën në PD, Tedi Kopliku komentoi rreth vendimit të Komisionit Rregullator për të mos shtyrë datën e regjistrimit në zgjedhje për Diasporën. Kërkesa e PD ishte që afati të shtyhej deri në datën nëntë mars, por u vendos që regjistrimi të mbyllet më datë katër mars në mesnatë.

Kopliku, theksoi se në radhët e PS mezi prisnin që ky proces të mbyllej pasi kundërshtarët u surprizuan nga numri i lartë i të interesuarve. Ndër të tjera, Kopliku shtoi se me mbylljen e regjistrimit në datë, PS rrëzoi edhe veten pasi kërkonte një shtyrje të afatit për ata që iu ishte mohuar aplikimi e tashmë në këtë formë, as ata nuk do të kenë mundësinë të përfitojnë.

“Arsyeja është e thjeshtë, ata mezi kanë pritur të mbyllet ky proces duke parë interesin e lartë të diasporës për të votuar në 11 maj. Sot me rregullatorin e KQZ anetarët e PS e kanë rrëzuar vet propozimin e tyre, pra që flitej për trajtimin e aplikimeve të refuzuar deri me datë 9 mars.

E vetmja mënyrë për regjistrim është deri sot në mesnatë dhe atyre që i është refuzuar duhet të provojnë disa herë. Në mesnatë do të trajtohen të gjitha aplikimet. Ndodh që të refuzohen 10 herë dhe herën e 11 të pranohen.

Refuzimi i PS është i kuptueshëm, sepse ka dalë jashtë pritshmërive të tyre, përtej njerëzve të patronazhuar. Të gjithë e dinë që PS çohet e para për të votuar dhe PD e fundit, kështu ndodh edhe me regjistrimin në KQZ”, tha Kopliku. /CNA





Lajmet e fundit nga