web counter
LEXO PA REKLAMA!

SHKARKO APP

App Store
Google Play

Vota e Diasporës/ Balla përshëndet 100 mijë kërkesat nga Greqia

4 Mars 2025, 11:40, Politikë CNA

Vota e Diasporës/ Balla përshëndet 100 mijë kërkesat

Drejtuesi Politik i Partisë Socialiste për Diasporën, Taulant Balla njoftoi sot se pas Italisë, e kalojnë numrin prej 100 mijë edhe kërkesat në KQZ nga shqiptarët që jetojnë në Greqi.

Përmes një postimi në rrjetet sociale Balla bën thirrje që të gjithë ata që janë refuzuar në aplikim të rikthehen në aplikacionin PER dhe të kuptojnë shkakun e refuzimit për të vijuar me një regjistrim të suksesshëm.

"Sapo u bënë 100 mijë kërkesa nga Greqia, faleminderit"- shkruan Balla.

Por ai thotë se janë rreth 13 mijë kërkesa të refuzuara të shqiptarëve nga ky shtet.

"Ju lutem, janë 13 mijë kërkesa të refuzuara vetëm nga Greqia dhe në këto 24 orë të mbetura duhet të riktheheni në llogarinë tuaj në PER dhe adresoni shkakun e refuzimit nga KQZ. Është shumë e thjeshtë dhe jam i sigurt që mund të vendosni dokumentin e duhur, ose madje faqen e duhur të dokumentit të adresës. Ju duhet të regjistroheni, mos e humbni këtë moment historik për Shqipërinë tonë në Bashkimin Europian."

Balla thekson edhe afatin e regjistrimit.

"Sot është dita e fundit e regjistrimit të diasporës për të hedhur votën me postë deri më 11 maj. Regjistrimet deri tani i kanë kaluar pritshmëritë, ku mëngjesin e së martës kishte mbi 226 mijë kërkesa të miratuara, por janë mbi 42 mijë në total kërkesat e refuzuara. Për këtë më herët, Drejtuesi Politik i Diasporës në Partinë Socialiste, Taulant Balla njoftoi se KQZ ka vënë në dispozicion edhe ndihmën me telefonata në linkun e rezervimit të KQZ-së",-tha Balla./CNA 

 





Lajmet e fundit nga