web counter
LEXO PA REKLAMA!

SHKARKO APP

App Store
Google Play

“Dëboi shqiptarët dhe burgosi liderët e opozitës”/ Berisha takim me koordinatorin e Forza Italia

4 Mars 2025, 18:16, Politikë CNA

“Dëboi shqiptarët dhe burgosi liderët e

Kryetari i Partisë Demokratike, Sali Berisha takoi në Milano koordinatorin për Marrëdhëniet me Jashtë të Forza Italia, Ludovico Seppilli. Në këtë takim, Berisha theksoi se e vendosi në dijeni Seppillin që është gjithashtu Koordinator i Forza Italia për Marrëdhëniet me Partinë Republikane në SHBA, për atë që ndodh në Shqipëri, ku një pjesë e mirë e shqiptarëve kanë zgjedhur të largohen ndërsa nga ana tjetër, liderët e opozitës përfundojnë në burg.

Njoftimi i Berishës:

Takim me Koordinatorin për Marrëdhëniet me Jashtë të Forza Italia, z. Ludovico Seppilli
Të dashur miq,
Në Milano, së bashku me kryetarin e Partisë Republikane, Z. Fatmir Mediu, takuam Koordinatorin për Marrëdhëniet me Jashtë të Forza Italia Giovani njëjohësisht Koordinator për Marrëdhëniet me Partinë Republikane të SHBA-ve për Forza Italian, Z. Ludovico Seppilli.

Në këtë takim diskutuam gjerësisht mbi marrëdhëniet tradicionale të shkëlqyera midis dy forcave tona politike, intensifikimin e këtyre marrëdhënieve, bashkëpunimin bilateral dhe atë në kuadrin e EPP dhe IDU.

Gjatë takimit, e njoha Z. Seppilli me zhvillimet në Shqipëri, narko-diktaturën e parë dhe të vetme në Europë, në të cilën Edi Rama, me drejtësinë e tij politike, ka burgosur dhe përndjekur liderët e tre partive politike opozitare, ka marrë mandatet e përfaqësuesve të opozitës dhe, me korrupsionin e tij, ka dëbuar në 10 vite, 45% të shqiptarëve nga Shqipëria.

Unë gjithashtu e sigurova Z. Seppilli se PD, me mbështetjen e miqve të saj si Forza Italia dhe partitë simotra, do ta shpëtojë vendin nga regjimi korruptiv i Edi Ramës dhe do ta rikthejë Shqipërinë në rrugën e shtetit ligjor dhe demokracisë. sb /CNA





Lajmet e fundit nga