web counter
LEXO PA REKLAMA!

SHKARKO APP

App Store
Google Play

E fundit!

x

“Jemi partia që mbështeti Diasporën”/ Kraja: PD nuk ka frikë nga vota e shqiptarëve

4 Mars 2025, 16:12, Politikë CNA

“Jemi partia që mbështeti Diasporën”/ Kraja: PD nuk

Drejtori i Kabinetit të kryetarit të Partisë Demokratike, Akil Kraja në një dalje të fundit televizive theksoi se PD është partia që ka mbështetur më së shumti Diasporën dhe e shtyrë nga kërkesa e lartë e emigrantëve për t’u regjistruar për zgjedhjet e 11 majit, kërkon që afati i regjistrimit të shtyhet nga KQZ deri në datën nëntë mars.

Ndër të tjera, Kraja shtoi se PD nuk ka frikë nga vota e shqiptarëve dhe se e vetmja gjë që kërkon është një garë e ndershme.

“Partia Demokratike është partia që ka mbështetur më së shumti votën e diasporës. Me lejoni të jap një shifër. Nga e premtja me 28 Shkurt deri tani që po flasim ka patur 45 mijë kërkesa për t’u regjistruar ne portalin e KQZ.

Një rekord, e cila përfaqëson me shumë se 10 për qind të totalit të individëve të regjistruar në këto rreth 2 muaj. Si mundet KQZ, duke parë këtë fluks të jashtëzakonshëm aplikimesh ne orët e fundit, në minutat e fundit të aplikimit të mos shtyjë afatin. Nisur nga këto të dhëna, vjen edhe  kërkesa e PD për t’i thënë KQZ të shtyjë afatin edhe disa ditë deri më datë 9.

Partia Demokratike nuk ka frike nga vota e shqiptarëve, e kërkon këtë votë. PD nuk ka frikë nga gara e lire e kërkon këtë garë. Ndaj në krye të herës kemi qenë që këta shqiptarë të kenë mundësi të votojnë krejt lirshëm si e gjithë Evropa.

Çdo votë e çdo bashkëkombasi vlen. Prandaj të shtyhet procesi. Ne do te luftojmë fort që shqiptarët të votojnë pa kosto nga banesat e tyre jashtë vendit. Jemi diku tek 290 mijë kërkesa. Në terma votuesish është sa qyteti i dytë më i madh në Shqipëri.

E lejojnë kushtet ligjore dhe teknike për ta shtyrë afatin deri më 9 Mars. Në çdo rast ata që kanë probleme të kontaktojnë me PD ose KQZ ne linjë telefonike. Atyre që u është refuzuar ta ribëjnë sërish”, tha Kraja. /CNA





Lajmet e fundit nga