web counter
LEXO PA REKLAMA!

SHKARKO APP

App Store
Google Play

E fundit!

x

"Rama ka fobi votën e lirë, po pengon 500 mijë votues nga diaspora"/ Berisha: Të shtyhet regjistrimi deri më 9 mars

4 Mars 2025, 12:46, Politikë CNA

"Rama ka fobi votën e lirë, po pengon 500 mijë votues nga

Kryetari i Partisë Demokratike Sali Berisha në një deklaratë për mediat përsëriti kërkesën për shtyrjen e afatit të regjistrimit të votuesve nga diaspora deri më 9 mars.

Kryedemokrati tha se refuzimi i Edi Ramës dhe Damian Gjiknurit për të pranuar kërkesën tregon frikën e tyre nga vota e lirë e 500 mijë shqiptarëve të refuzuar.

 

"Edi Rama personalisht në vitin e diasporës urdhëroi përfaqësuesit e tij në KQZ të refuzojnë propozimin e përfaqësuesve të PD për të zgjatur të paktën gjer në datën 9 regjistrimet e anëtarëve të diasporës për të marrë pjesë në zgjedhjet e 11 majit.
Refuzimi kategorik i Edi Ramës dhe përfaqësuesit të tij, Damian Gjiknuri, dëshmon frikën dhe tmerrin që i ka kapur ata dhe partinë e tyre të krimit nga vota e lirë e shqiptarëve jashtë vendit.
Ky refuzimi është një shkelje madhore e Kushtetutës së vendit.


Ky refuzim është përjashtimi nga e drejta e votimit e të paktën sipas shifrave zyrtare, të 500 mijë, por shifrat e tjera flasin për 800 mijë shqiptarë jashtë vendit, të cilët i kanë pasur dokumentet e skaduara.
Pa përfshirë këtu qindra mijëra të tjerë, të cilët nuk disponojnë dokumente të lëshuara në Shqipëri, por disponojnë dokumente zyrtare biometrike të rregullta të lëshuara në vendet ku ata jetojnë.
Me këtë vendim, Edi Rama firmos turpin e tij historik.


Me këtë vendim ai dëshmon se është i pashpresë në zgjedhjet e 11 majit.
Shfrytëzoj këtë rast për t’u bërë thirrje të gjithë shqiptarëve këto orë që kanë mbetur t’i shfrytëzojnë për regjistrimin masiv të tyre, edhe në një akt ndëshkimi për njeriun që ka fobi të tmerrshme nga vota e tyre", tha kryedemokrati.

"Rama ka fobi votën e lirë, po pengon 500 mijë votues nga

Berisha u bëri thirrje përfaqësuesve të PS-së në Komisionin Qendror të Zgjedhjeve të kundërshtojnë Ramën dhe të tregohen socialistë të vërtetë

"Ndërkohë, thirrja e fundit është për përfaqësuesit e tij në entin rregullator të KQZ, të kundërshtojnë vendimin e Edi Ramës, të votojnë me përfaqësuesit e opozitës, se në këtë mënyrë ata do ngrihen në lartësinë e Kushtetutës së vendit dhe nuk do bëhen mercenarë për të përjashtuar në tërësi mbi 500 mijë shqiptarë nga e drejta e votimit", tha Berisha.

"Rama ka fobi votën e lirë, po pengon 500 mijë votues nga

Kreu i PD-së tha se kjo është shkelje e Kushtetutës së vendit dhe akt i pashembullt në historinë elektorale të tij.


"Ky është një akt i pashembullt në historinë elektorale, ndaj dhe debati zhvillohet në rregullatoren e KQZ-së, ftoj përfaqësuesit e PS të tregohen socialistë të vërtetë dhe jo përfaqësues të partisë së krimit të Edi Ramës që ka frikë dhe tmerr nga vota e shqiptarëve", tha kryedemokrati

PD nuk merr kurrë përsipër të kundërshtojë ushtrimin e të drejtës së votës qytetarëve shqiptarë në asnjë rrethanë, në asnjë rast nuk mund të ndodhë.
Por, ajo që themi ne, është të zgjatet minimumi deri në datën 9 afati, meqenëse akti normativ u votua vetëm para 3 ditësh.
Por ne jemi që çdo njeri që ka aplikuar, t’i njihet e drejta e votës, t’i sanksionohet, të mund t’i konfirmohet.
Pra, nuk bëjmë ne kaste me të drejtën e votës, nuk kemi ne fobira siç ka Edi Rama që ka kryer krime të shëmtuara dhe tani kërkon pas këtyre krimeve, të bllokojë votimin e diasporës", tha Berisha./CNA





Lajmet e fundit nga