web counter
LEXO PA REKLAMA!

SHKARKO APP

App Store
Google Play

Luli vazhdon këngën/ Dua vulën e PD

4 Mars 2025, 17:03, Politikë CNA

Luli vazhdon këngën/ Dua vulën e PD

Edhe pse tashmë figuron si pjesë e një partie të re të quajtur “Demokratët Euroatlantike”, Luli Basha nuk heq dorë nga vula e Partisë Demokratike. 

Së fundmi, me anë të një statusi në rrjetet sociale, “Demokratët Euroatlantikë”, theksojnë se nuk heqin dorë nga rekursi në Gjykatën e Lartë për vulën e Partisë Demokratike dhe se do të vazhdojnë pa u ndalur betejën ligjore. 

Ky reagim vjen pas deklaratës së Enkelejd Alibeajt, i cili tha se është tërhequr nga rekursi në Gjykatën e Lartë për vulën e PD pasi tashmë është kryetar i partisë, “Djathtas 1912”.

Reagimi i Demokratëve Euroatlantikë:

Partia Demokratike/Demokratët Euroatlantikë, nuk kanë hequr dorë nga shqyrtimi i rekursit në Gjykatën e Lartë. Çdo kërkesë e depozituar sot, nga individë që nuk janë pjesë e Partisë Demokratike/ Demokratët Euroatlantikë, ka zero efekt në këtë proces.
Ata që kanë shpallur sot tërheqjen janë vetëdemaskuar, si autorët e një shantazhi politik për interesa të ngushta personale.

Vetëm dy ditë më parë drejtues të Koalicionit Euroatlantik /PD - Demokratët Euroatlantikë, janë kërcënuar, se nëse Koalicioni Euroatlantik, nuk do t’ju nënshtrohej kushteve për bashkëpunim, duke hequr dorë nga identiteti ynë politik, do të përballeshin me tërheqjen nga rekursi në Gjykatën e Lartë.

Demokratët Euroatlantikë e kanë provuar me vepra, se nuk ka forcë të na shantazhojë dhe se, nuk biem pre e asnjë presioni. Ne kemi qëndruar dhe qëndrojmë për parime dhe vlera. Duhet të marrë fund koha kur interesat politike i mbivendosen të drejtës në këtë vend.

Ne do ta vazhdojmë pa u ndalur, betejën ligjore dhe i kërkojmë Gjykatës së Lartë të marrë një vendim sa më shpejt, bazuar në ligj, pa u ndikuar nga presioni, shantazhet apo lojërat politike që synojnë të marrin peng Partinë Demokratike për tu mbrojtur nga drejtësia. /CNA





Lajmet e fundit nga