web counter
LEXO PA REKLAMA!

SHKARKO APP

App Store
Google Play

E fundit!

x

Senati italian miratoi marrëveshjen për njohjen e sigurimeve shoqërore/ Balla: Ditë e madhe!

5 Mars 2025, 15:29, Politikë CNA

Senati italian miratoi marrëveshjen për njohjen e sigurimeve

Senati italian miratoi sot në seancë plenare me 129 vota pro dhe asnjë kundër marrëveshjen për njohjen e kontributeve të sigurimeve shoqërore me Shqipërinë.

Në punimet e seancës plenare të Senatit italian ishte i pranishëm edhe ministri i Shtetit për Marrëdhëniet me Parlamentin, Taulant Balla.

Itala dhe Shqipëria arritën marrëveshjen më datë gjashtë shkurt të vitit 2024, një marrëveshje nga e cila përfitojnë rreth 550 mijë shqiptarë dhe rreth 4 mijë italianë.

Në reagimin e tij në rrjetet sociale pas arritjes së kësaj marrëveshjeje, Taulant Balla theksoi se kjo është një ditë shumë e rëndësishme për bashkatdhetarët në Itali.

Reagimi i Taulant Ballës:

U kry! Me të gjitha votat PRO Senati i Parlamentit Italian ratifikoi finalizimin e marrëveshjes midis Republikës së Shqipërisë dhe Republikës Italiane në fushën e Sigurimeve Shoqërore/Pensionet. Kjo është një ditë shumë e rëndësishme për të gjithë bashkëatdhetarët tanë në Itali, por edhe familjarët e tyre kudondodhur, sepse me hyrjen në fuqi të Marrëveshjes të gjithë ata (450.000-500.000 shqiptare) që kanë shumë vite që jetojnë, sakrifikojnë, punojnë dhe kontribuojnë në zhvillimin e ekonomik të Italisë, (nga ’90 e këtej) por edhe të atyre shtetasve italianë që kanë kontribuar e punojnë në Shqipëri, do të kenë më në fund mundësi të gëzojnë dhe përfitojnë sigurimet shoqërore/pensionet. Me firmosjen nga Presidenti Mattarella Marreveshja hyn në fuqi. /CNA





Lajmet e fundit nga