web counter
LEXO PA REKLAMA!

SHKARKO APP

App Store
Google Play

E fundit!

x

Vota e Diasporës/ Strazimiri: Qeveria nuk ishte e gatshme, sepse nuk mund ta kontrollonte dot

5 Mars 2025, 17:31, Politikë CNA

Vota e Diasporës/ Strazimiri: Qeveria nuk ishte e gatshme, sepse nuk mund

Anëtari i Kryesisë së Partisë Demokratike, Genc Strazimiri i ftuar në Syri TV ka folur për koalicionin e partisë së tij me 25 parti të tjera.

Strazimiri tha se është koalicioni më i madh i të gjithë shqiptarëve kundër qeverisë , nga e cila po vuajnë të gjithë. Po ashtu Strazimiri u ndal dhe te procesi i Primareve, të cilin e quajti një sport brenda partisëë.

Anëtari i kryesisë së PD tha se rezultati që doli nga Primaret nuk ishte ai që donte Partia Socialiste.

Strazimiri po ashtu falenderoi dhe emigrantët që u regjistruan për të votuar në zgjedhjet e 11 majit dhe tha se mazhoranca nuk donte t’ua lejonte votën sepse nuk i kontrollon dot.

 

“Unë besoj se ka qenë një strategji e publikuar disa kohë më parë nga PD, e cila është përsëritur në mënyrë të vazhdueshme nga zoti Berisha, se koalicioni më i madh i të gjithë shqiptarëve kundër kësaj qeverie do të jetë i formuar, sepse të gjithë po vuajnë nga kjo qeveri.

Mendoj se kjo është një gjë që ne e kemi thënë dhe e kemi mbajtur. Para çdo fushate, PD ka bërë përpjekje të krijojë një koalicion më të gjerë gjithmonë.

Sa i përket primareve, ato janë një proces që nuk është risi në PD. Gjatë 249 ditëve të para të rithemelimit, kemi zhvilluar 5 herë primare. Primaret brenda PD janë kthyer në një sport, ku ato të fundit ishin pritur me shumë interes nga demokratët, kandidatët dhe qytetarët. Ishte një pjesëmarrje e brendshme me më shumë kandidatura se zakonisht. Listat ishin të gjata si pasojë e interesimit të demokratëve dhe mbështetësve të PD për të dhënë kontributin e tyre për listat e deputetëve dhe për të shërbyer zgjedhjeve të 11 majit.

Mendoj se primaret ishin një proces i domosdoshëm, i cili përfundoi me sukses dhe nuk ishte një risi, sepse ka qenë hera e 6-7 që janë zhvilluar këto primare. E rëndësishme ishte se gara ishte e vërtetë dhe e hapur.

Sa i përket pritshmërisë, ajo nuk ka qenë në përputhje me atë që ka pritur qeveria. Është një fakt publik që Komisioni Qendror i Zgjedhjeve ka pritur një fluks të vogël votuesish nga diaspora, jo më shumë se 15-17 mijë regjistrime, dhe për këtë kanë lënë një buxhet për 30 mijë persona, por më pas ishin të detyruar të rishikojnë dhe ta shtojnë atë. Ata e kaluan parashikimin e tyre dhe e kaluan me dhjetëfish, duke tejkaluar pritshmëritë që kishin për numrin e kontigjentit të votuesve që pritej të ishte dominues në këto zgjedhje.

Mirënjohje të jashtëzakonshme për diasporën, e cila, me mundim dhe angazhim të madh, ka arritur të regjistrohet, duke aplikuar 4-5 herë dhe duke mos u dorëzuar derisa arritën të regjistrojnë numrin që u bë publik.

Mendoj se ky ka qenë një proces i domosdoshëm, ndoshta herët duhet të shqyrtohet më me kujdes dhe nga ana teknike, dhe jo vetëm nga aspekti administrativ. Ka qenë një betejë pa kompromis e opozitës që e bëri të mundur votimin e emigrantëve. Kjo qeveri nuk ishte e gatshme për ta, sepse nuk mund ta kontrollonte dot”, tha Strazimiri./ CNA





Lajmet e fundit nga