web counter
LEXO PA REKLAMA!

SHKARKO APP

App Store
Google Play

“21 janari”/ Rama, mesazh Altin Dumanit

6 Mars 2025, 09:29, Politikë CNA

“21 janari”/ Rama, mesazh Altin Dumanit

Kryeministri Edi Rama, në episodin e radhës të "Sy M’Sy", ka folur për 21 janarin.

Rama është shprehur se shpata e drejtësisë i është dorëzuar drejtësisë.

Kryeministri i është drejtuar me një mesazh të koduar kreut të SPAK-ut, Altin Dumani, duke thënë se në atë kohë ka qenë prokuror, por nuk ka pasur fuqinë të bëjë atë që bën sot, pasi PS i ka dorëzuar shpatën e ndëshkimit drejtësisë.

“Dita e arrestimeve, gjykimeve, hetimeve të personave në pushtet ministra, kryetarë bashkie, pa mua dhe pa PS nuk vinte kurrë. Se po të vinte do kishte ardhur nga 1912.

Unë dhe skuadra ime bëmë reformën në drejtësi.

Si ka mundësi që nga 1912 nuk u bë një hetim, një politikan nuk u çua para drejtësisë?

I dorëzuam shpatën drejtësisë duke goditur kë ka pasur oreks.

Imagjino sikur të ndodhte sot të mblidhej një popull i tërë këtu poshtë dritares sime dhe nga kjo zyrë të jepej urdhri për të qëlluar dhe të qëlloheshin me plumba të vërtetë në mish njerëzit dhe të vdisnin 4 veta totalisht të pafajshëm, të parrezikshëm dhe imagjino, SPAK-u sot të lëshonte masa arresti për një grup personazh dhe t’i jepja urdhër drejtorit të Përgjithshëm të Policisë, ec, nuk arrestohet askush dhe me forcën e policisë të merrja në mbrojtje persona që kërkon SPAK-u.

Kjo ka ndodhur në Shqipëri shumë pak kohë më parë, para se të vija unë në këtë zyrë. Si shpjegohet kjo? Kush e bëri këtë?

Altin Dumani për të cilin kam shumë respekt, ka qenë aty prokuror i Republikës së Shqipërisë, aty kanë qenë, por nuk ka pasur fuqi të bëjë këtë që bën sot, se shpatën e drejtësisë e mbante kush rrinte në këtë zyrë për pushtetin e vet. Shpatën e ndëshkimit e mbante ai që rrinte në pushtet.

Unë e dorëzova shpatën për të bërë këtë që po bëjnë. Kjo është e vetmja rrugë.

Kur unë thoja që duam një forcë të pavarur që të mos shohë majtas dhe djathtas. Apo e bëra reformën në drejtësi për të bërë piktura.

Sot po të kthehem 100 herë mbrapa do e bëja prapa, pavarësisht të ndonjë rasti kur ka lajthitje, por që vjen se janë institucione të reja”, tha Rama./ CNA





Lajmet e fundit nga