web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 11 majit/ Celibashi: Nuk kemi “hequr qafe” asnjë votues nga jashtë

6 Mars 2025, 10:17, Politikë CNA

Zgjedhjet e 11 majit/ Celibashi: Nuk kemi “hequr qafe” asnjë

Kreu i KQZ-së, Ilirjan Celibashi, ka folur për procesin zgjedhor të 11 majit.

Në një intervistë në “Kafe Shqeto”, Celibashi thekson se deri më tani gjërat po shkojnë mirë duke pasur parasysh që është mbyllur edhe regjistrimi i votuesve nga jashtë.

Ndër të tjera theksoi se në aspektin e përmbushjes së një detyre, KQZ nuk ka ‘hequr qafe’ asnjë votues nga jashtë.

Celibashi tha se opozita ka qenë shumë aktive në denoncimin e fenomeneve negative të procesit zgjedhor, dhe disa prej këtyre denoncimeve u janë përgjigjur në përputhje me kërkesat që janë bërë.

"Deri në këto momente që ne flasim së bashku, gjërat janë duke shkuar mirë, nuk dua të them shumë mirë, por po shkojnë mirë, të paktën me përputhjen që ne kemi bërë, pra nuk kemi ndonjë problem sidomos tani që kaluam një fazë të rëndësishme të procesit zgjedhor, që është regjistrimi i votuesve.

Në aspektin e përmbushjes së një detyre, ne si KQZ nuk kemi ‘hequr qafe’ asnjë votues nga jashtë, por shprehem kështu pasi kemi hequr një detyrë që duhej bërë.

Natyra dhe përmbajtja e ankesave nga opozita ka qenë e tillë, që nuk na kanë shtyrë që të kishim një proces sanksionimi.

Ne e kemi bërë këtë diskutim edhe me përfaqësues të opozitës, apo të organizatave të Shoqërisë Civile ku një pjesë e tyre janë shumë aktive në denoncimin e fenomeneve negative të procesit zgjedhor, dhe disa prej këtyre denoncimeve ne u jemi përgjigjur në përputhje me kërkesat që kanë bërë ata.

Në diskutimet e përbashkëta që ne kemi pasur, kemi shtyrë e nxitur, sepse nuk ka rëndësi numri i denoncimeve, por qoftë ai një i vetëm të jetë domethënës, ai ka rëndësi.

Pra të jenë raste të tilla që edhe për opinionin publik ka interes dhe ai e ndjek dhe e kupton se për çfarë shkeljesh bëhet fjalë dhe ai që i denoncon këto shkelje, ta ketë dhe të qartë që kjo është një vijë e kuqe e cila nuk duhet të kalojë"./ CNA





Lajmet e fundit nga