web counter
LEXO PA REKLAMA!

SHKARKO APP

App Store
Google Play

Protestë kombëtare për mbylljen e "TikTok"-ut/ Berisha zbulon datën

6 Mars 2025, 12:56, Politikë CNA

Protestë kombëtare për mbylljen e "TikTok"-ut/ Berisha

Kreu i PD-së, Sali Berisha, u ka bërë thirrje të gjithë qytetarëve për t'u bashkuar në protestë më 15 mars për mbylljen e platformës së "TikTok"-ut në Shqipëri.

Berisha ka kërkuar anulimin e menjëhershëm të vendimit për censurën ndaj "TikTok"-ut.

“Sot në kulmin e fushatës elektorale, narkopadrinoja i Shqipërisë, Toto Rino apo El Çapo, njoftoi vendimin e narkoqeverisë së tij për ndalimin e 'TikTok'-ut për 12 muaj.

Me këtë akt censure të mbi 1 milion përdoruesve të 'TikTok'-ut në Shqipëri, Edi Rama rreshton Shqipërinë me Afganistanin dhe Iranin.

Ky akt censure është një akt i mirëfilltë fanatizmi, intolerance, frike dhe tmerri nga mendimi i lirë dhe shprehja e tij.

'TikTok'-u është një platformë komunikimi, e cila ka pushtuar sot, ka pëlqimin masivisht të të rinjve në Shqipëri dhe në botë.

Të pretendosh se po ecën drejt Europës dhe të rreshtosh Shqipërinë me Iranin, Afganistanin, Somalinë, bën një akt monstruoz kundër fjalës së lirë, një censurë dhe dëshmon se udhëtimi europian i Shqipërisë është një hipokrizi për ty.
Rikujtoj këtu se zëvendëspresidenti i SHBA-së, JD Vance, në fjalën e tij në Mynih, konsideroi mbylljen e medieve sociale si një antivlerë shumë të rrezikshme për shoqëritë e lira, fjalën e lirë dhe mendimin e lirë.

T’u heqësh shqiptarëve të drejtën e përdorimit të 'TikTok'-ut dëshmon arbitraritet.
Ripërsërit ekzakt atë që bënte Enver Hoxha, Spiro Koleka, Kristaq Rama gjatë diktaturës, të cilët valëve të radios dhe televizioneve perëndimore u vinin zhurmues në të katër anët e vendit.

Me këtë rast ftoj të gjithë gjimnazistët, të gjithë të rinjtë, të gjithë qytetarët të nisim betejën për çlirimin e 'TikTok'-ut dhe përmbysjen e narkodiktatorit.

Me datën 15 mars protestë e përgjithshme kombëtare në sheshin ‘Skënderbej’ para kryeministrisë.
Një protestë në të cilën kërkohet anulimi i menjëhershëm i vendimit për censurën dhe bllokimin e 'TikTok'-ut”, tha Berisha./ CNA





Lajmet e fundit nga