web counter
LEXO PA REKLAMA!

SHKARKO APP

App Store
Google Play

Berisha: LaCivita paralajmëroi Ramën që të mos luajë me zgjedhjet

8 Mars 2025, 16:07, Politikë CNA

Berisha: LaCivita paralajmëroi Ramën që të mos luajë me

Lideri i opozitës, Sali Berisha, në një bashkëbisedim me komentuesit në rrjetet sociale u shpreh se kryeministrit Edi Rama i ka ardhur një paralajmërim shumë i fortë nga kryetari i Komitetit Kombëtar Republikan, zoti Chris LaCivita, i cili e paralajmëroi që të mos luajë me zgjedhjet sepse pasojat do të bien mbi të.

“Ndryshime të mëdha kanë ndodhur. Siç e shihni, është e vërtetë që Edi Rama bën gjithçka, por është e vërtetë se projektorë të fuqishëm janë drejtuar drejt Shqipërisë. Është e vërtetë se brenda tyre ka një shkërmoqje të paparë. Është e vërtetë se ka 2 muaj që këndojnë himnin e hajdutit, përpiqen të mbrojnë Erion Veliajn.

Nga ana tjetër, tri rezoluta ndërkombëtare, kanë denoncuar botërisht Edi Ramën si njeriun e farsës elektorale. Nga ana tjetër, atij i erdhi një paralajmërim shumë i fortë nga kryetari i Komitetit Kombëtar Republikan, zoti Chris LaCivita, i cili e paralajmëroi që të mos luajë me zgjedhjet sepse pasojat do të bien mbi të.

Pra, është ky kompleks faktorësh. Është edhe një klimë siç e keni ndier ju në diasporë, e cila është e krahasueshme me vitet 1991-1992 që paralajmëron përmbysjen e pashmangshme të diktaturës me datën 11 maj”, tha Berisha./ CNA





Lajmet e fundit nga