Fakti/ Amerika reagon për ndërhyrjet në drejtësi

8 Mars 2025, 15:10, Politikë CNA

Sekretari amerikan i Shtetit, Marco Rubio ka reaguar në lidhje me vendimin e Presidentit të Republikës Sërpska Millorad Dodik i cili me 5 Mars dekretoi ligjet e miratuara nga Kuvendi i Republikës Sërpska, entiteti serb i Bosnjës, të cilat ndalojnë punën e Gjykatës, Prokurorisë, Agjencisë Shtetërore të Hetimeve (SIPA) si dhe Këshillit të Lartë Gjyqësor e Prokurorial të Bosnjës në territorin e këtij entiteti.

Rubio është shprehur se veprimet e presidentit të Republikës Sërpska (RS), Millorad Dodik, përbëjnë kërcënim për sigurinë dhe stabilitetin e Bosnje e Hercegovinës, si dhe minojnë institucionet shtetërore të saj.

"Qeveria jonë u bën thirrje liderëve politikë në Bosnje e Hercegovinë për t’u angazhuar në dialog konstruktiv dhe të përgjegjshëm. Ne u bëjmë thirrje partnerëve tanë në rajon të bashkohen me ne për ta kundërshtuar këtë sjellje të rrezikshme dhe përshkallëzuese", shkroi Rubio në rrjetin social X.

Kështu qartazi reagimi i Sekretarit Amerikan të Shtetit Marco Rubio tregon se amerikanët reagojnë për ndërhyrjet në drejtësi.

Për të paralelizuar rastin kjo është pikërisht ajo që po ndodh edhe në Shqipëri, ku po ndërhyhet në drejtësi.

Këtë e tregojnë sulmet që bëhen nga politika në çdo drejtim, të cilat janë një ndërhyrje në drejtësi.

Reagimi i Sekretarit Amerikan të Shtetit Marco Rubio ndaj Dodik është një shenjë e qartë për ndërhyrjet në drejtësi.

Këto ndërhyrje tentohen të bëhen edhe në Shqipëri siç është rasti komsionit Xhafaj, që me krijimin e tij synohej pengimi i punës së SPAK, institucion i cili po kryen hetime në nivele të larta zyrtarësh dhe politikanësh.

Të dyja kahet politike, si opozita dhe mazhoranca kanë bërë sulme brutale ndaj drejtësisë, jo vetëm ndaj institucioneve të drejtësisë por edhe ndaj emrave të përveçëm me lojë dhe skenarë politikë kundër drejtësisë.

Sulme frontale ndaj prokurorëve dhe gjyqtarëve si nga ana e kryeministrit të vedit dhe kryebashkiakut po ashtu dhe nga ana e liderëve të opozitës, një gjuhë me fyerja, sharje që mund të përkthehen një lloj shantazhi ndaj drejtësisë.

SPAK dërgoi prapa hekurave kryebashkiakun e Tiranës Erion Veliaj, i arrestuar për dy akuza mjaft të rënda si pastrim i produkteve të veprës penale si dhe korrupsion./ CNA