web counter
LEXO PA REKLAMA!

SHKARKO APP

App Store
Google Play

E fundit!

x

“Më mirë një xhaketë e vjetër sesa një kostum firmato i lyrosur nga babëzia”/ Malaj “shuplakë” Ramës

9 Mars 2025, 14:30, Politikë CNA

“Më mirë një xhaketë e vjetër sesa një

Ish-ministri i Financave, Arben Malaj në një dalje televizive ka reaguar ashpër ndaj vendimeve të kryeministrit Edi Rama, në lidhje me figurat politike që përfshin në Partinë Socialiste.

Malaj u shpreh se disa nga figurat e vjetra socialiste duhet të ishin ende në parti, duke përmendur Arta Daden apo Ermelinda Meksin.

Ish-deputeti socialist tha se më mirë të kesh një “xhaketë të vjetër” në parti, se nja kostum firmato të lyrosur nga babëzia.

“Po të shikosh në botë, gjeneratat harmonizohen. Ku i ka PS dhe PD disa figura, disa ikona që amortizojnë zhvillimet e brendshme apo lehtësojnë marrëveshjet e mëdha kombëtare. Domethënë Arta Dade është e re akoma dhe ishte një personalitet i PS. Ermelinda Meksi ishte një ekonomiste e talentuar dhe me integritet. Valentina Leskaj ka një network kombëtar të jashtëzakonshëm. Ato mund të harmonizoheshin dhe PS ka pasur gjithmonë 65-75 deputetë.

Kishte vend që me 1/3 e tyre të rigjenerohej dhe kishte vend të krijonte edhe figurat. E them me bindje se është më mirë të kesh një xhaketë të vjetër, sesa një kostum firmato të lyrosur nga babëzia dhe pangopësia.  Është më mirë të hash bukë thatë se sa të hash një biftek 1 mijë dollarë. Është më mirë të pish lëng molle në Vermosh sesa të pish shishe vere 33 mijë euro. Pra ka elementë kritikë që nuk kanë të bëjnë me individin, ka të bëjë me ata që janë brenda një force politike dhe kanë përgjegjësi ndaj publikut”, tha Malaj./ CNA





Lajmet e fundit nga