web counter
LEXO PA REKLAMA!

SHKARKO APP

App Store
Google Play

“Atdhetarëve zemërtrazuar do t’u duhet të gjejnë një tradhëti tjetër”/ Rama tregon pse u mbulua monumenti i Skënderbeut

9 Mars 2025, 18:56, Politikë CNA

“Atdhetarëve zemërtrazuar do t’u duhet të gjejnë

Kryeministri Edi Rama në një postim në rrjetet sociale ka sqaruar se përse monumenti i Skënderbeut në Tiranë është mbuluar.

Rama shkruan se shkak është bërë marrja e formave për të realizuar një monument të Gjergj Kastriotit në sheshin me të njëjtin emër në Paris.

Referuar akuzave të opozitës, Rama shkruan se skelat do të hiqen dhe do t’u duhet të gjejnë një tradhëti tjetër.

“Qarkullon një kua-kua-kua këmbëngulëse në kënetën sociale për psenë e mbulimit të monumentit të Skënderbeut në Tiranë dhe formulohen mallkime për tradhëti kombëtare, bazuar në akuza për konspiracion kundër Atletit të Krishtit në Muajin e Madhërueshëm të Ramazanit. Arsyeja është shumë e thjeshtë, po edhe e bukur në këtë rast. Monumenti është veshur me skeleri, sepse po i merren format për realizimin më pas të një kopjeje të tij, e cila do të vendoset në sheshin “Gjergj Kastrioti Skënderbeu” në Paris. Po po, e lexuat mirë! Parisi do të ketë Skënderbeun e vet.

Pas një përpjekjeje diplomatike të gjatë e të suksesshme, pikërisht sepse sot Shqipëria dëgjohet me respekt, kemi arritur të marrim miratimin e autoriteteve franceze për të vendosur monumentin e Heroit tonë Kombëtar në një shesh të Parisit me emrin e tij. Punë ditësh dhe skela do të hiqet, kështu që edhe atdhetarët zemërtrazuar që llokoçiten në kënetën e kua-kua-kuave do të mund të çmallen me kalin e Skënderbeut dhe do t’u duhet të gjejnë një tradhëti tjetër për të më akuzuar”, shkruan Rama./ CNA





Lajmet e fundit nga