E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

“Arbër Veliaj po shpërndan çanta me para te mediat e inceneratorëve”/ Berisha sjell denoncimin e qytetarit digjital

19 Shkurt 2025, 10:48, Politikë CNA

“Arbër Veliaj po shpërndan çanta me para te mediat e

Kryetari i Partisës Demokratike, Sali Berisha, ka ndarë në rrjetet sociale denoncimin e qytetarit digjital. Në mesazhin e dërguar Berishës, qytetari thotë se vëllai i Erion Veliajt, Arbër Veliaj, po shpërndan para në mediat e paguara nga inceneratorët për të mbrojtur këtë të fundit.

Në denoncimin e publikuar nga Berisha thuhet se po jepen para për t’u fajësuar personat e tjerë dhe Erion Veliaj të dalë i pafajshëm. Qytetari digjital denoncon se skema e Arbër dhe Erion Veliajt është që këtë çështje ta reduktojnë vetëm te blerjet online të Ajola Xoxës.

Postimi i Berishës

Vëllai i Erion Veliajt shpërndan qeset me para për Lali Vjedhësin!

Të dashur miq, vëllai i Lali Vjedhësit, Arbër Veliaj, që mori miliona euro nga Bashkia e Tiranës, erdhi nga Vjena dhe po u shpërndan qeset me para mediave për të mbrojtur kryehajdutin e Tiranës!

Lexoni denoncimin e qytetarit digjital!

Mirëmëngjes dr. Arbër Veliaj është kthyer para tri ditësh në Tiranë (nga Vjena aty ku ka selinë qendrore të kompanisë dhe ku shoqërohet me Mirel Mërtirin, prestanome e Inceneratorit Tiranë, që edhe pse është në kërkim ndërkombëtar, ai jeton në mes të Vjenës) dhe ka filluar fushatën e sulmeve ndaj prokurorëve të SPAK-ut dhe gjyqtarëve të GJKKO nëpërmjet mediave që sponsorizon. Fillimisht Arbër Veliaj u ka kerkuar mediave e portaleve që të publikohen sulmet e Veliajt nga burgu. E ka takuar dy ditë më parë të vëllanë në burg në Durrës ku kanë ndërtuar skemën së bashku. Po jepen para dhe me çanta për të sulmuar dhe akuzuar këdo, me qëllim që të dalë Erioni në Apelin e Posaçëm me Gjyqtare Ilirjana Olldashi. Erioni dirigjon nga burgu dhe Arbri paguan paratë cash, siç paguan dhe rrogat e një TV që shpif kundër PD non stop që është ABC News dhe Sokol Balla për shembull ka marrë 300.000 euro prej tij Strategjia e vëllezërve Veliaj është që këtë çështje ta kthejnë në çështje brekësh kur është çështje e pastër korrupsioni dhe parash në skema oktapodi si mafie korrupsioni. Janë përfshirë mediat e paguara edhe nga inceneratorët dhe janë po i njëjti grup i strukturuar kriminal. Shkojnë sa tek Ajola, tek Arber Veliaj, tek Carlo Bollino, te Taulant Balla, te Mero Baze, te Rudina Xhunga etj. Arbër Veliaj ka qarkulluar rreth 30 milionë euro reklama në 10 vite që Veliaj është kryetar bashkie Tiranë 2015-2025. Vetëm nga kompania One ai ka marrë rreth 5 milionë euro vitin e fundit ku ndër to, të paktën 1 milion euro, kësaj kompanie ia ka dhënë vetë Erion Veliaj./ CNA