web counter
LEXO PA REKLAMA!

SHKARKO APP

App Store
Google Play

E fundit!

x

"Heq dorë nga primaret e PD-së dhe aspirata për deputet”/ Bushati: Është koha për reflektim

18 Shkurt 2025, 15:42, Politikë CNA

"Heq dorë nga primaret e PD-së dhe aspirata për

Helidon Bushati ka shprehur sot zgjedhjen e tij për të mos marrë pjesë në procesin e primareve të Partisë Demokratike.

Bushati, në një reagim në rrjetet sociale, tha se ka hequr dorë edhe nga aspirata për deputet.

Sipas Bushatit, tani është koha për reflektim personal, por edhe partiak, dhe këtë vendim e cilëson si një akt përgjegjësie politike dhe morale.

"Partia Demokratike është përballë sfidave të mëdha. Kjo forcë politike ja doli të kapërcejë momente të vështira që e vunë deri në provën e ekzistencës. Sot demokratët janë të bashkuar dhe po bëhen gati për zgjedhjet jetike për vendin, ato të 11 Majit.

Përveçse për angazhim, koha është dhe për reflektim. Së shpejti, Partia Demokratike do të hyjë në një proçes të rëndësishëm, atë të primareve.

Personalisht, kam zgjedhur të mos mos marr pjesë në primare dhe si rrjedhojë heq dorë nga aspirata për të qenë kandidat për deputet. Ky nuk është thjeshtë një vendim personal, është një akt përgjegjësie politike dhe morale.

Gjithsesi, ky vendim nuk do të thotë tërheqje nga rrugëtimi ynë i përbashkët. Përkundrazi, do të jem aty ku kam qenë gjithmonë, pranë Partisë Demokratike dhe demokratëve.

Koherent në bindjet e mia, i palëkundur në vlerat për të cilat kemi luftuar, dhe plotësisht i angazhuar për ringritjen dhe fitoren që synojmë te gjithë për Partinë Demokratike dhe liderin e saj Sali Berisha.

Jam i bindur, më shumë se kurrë, se MODERNIZIMI dhe PËRBASHKIMI janë çelësi i fitores. Ja kemi borxh fëmijëve tanë, ja kemi borxh historisë!
Së bashku drejt fitores!", -shkruan Bushati./CNA 





Lajmet e fundit nga