web counter
LEXO PA REKLAMA!

SHKARKO APP

App Store
Google Play

E fundit!

x

Veliaj i faturoi vilën vjehrrit/ Çela: Në SPAK ka deklaruar se nuk ka dijeni, por pagesat i ka kryer vetë

17 Shkurt 2025, 22:47, Politikë CNA

Veliaj i faturoi vilën vjehrrit/ Çela: Në SPAK ka deklaruar se

Gazetarja Lindita Çela ndau sot disa detaje mbi vilën e shumëpëfolur të çiftit Veliaj-Xoxa në Qerret.

E ftuar në një emisionin televiziv, Çela tha se në  hetimet e SPAK ndaj kryebashkiakut Erion Veliaj, duke u ndalur te vila në Qerret, Veliaj e mohoi duke ia faturuar vjehrrit. 

Çela tha e Veliaj në SPAK ka deklaruar se nuk ka dijeni për vilën dhe se është trashëguar nga bashkëshortja e tij, por rezulton se edhe vetë Veliaj ka kryer pagesa për shërbimet e kësaj vile. 

"Në prokurori, ka thënë se për vilën nuk ka dijeni, merrej zonja Xoxa me transaksionet dhe thotë se ishte në dijeni se është pronë e trashëguar nga prindërit. 

Çfarë provash ka SPAK? Në kundërshtim me atë që thotë Veliaj, prokurorët kanë kryqëzuar të dhëna dhe kanë kërkuar informacione. Qelizat telefonike të zotit Veliaj në shtëpinë në plazh nuk përkojnë me 2-3 herë në vit, zoti Veliaj thotë se nuk është marrë me pagesat dhe me shpenzimet, arredimin e vilës, ndërkohë që janë gjetur pagesat e bëra drejtpërdrejt nga zoti Veliaj. Janë gjetur komunikimet, pas vendimit të gjykatës së posaçme për kontrollin e banesave, janë gjetur blloqet e shënimeve dhe të dhënave duke treguat ekzaktësisht cilat ishin pjesët që duheshin paguar për mirëmbajtjen e vilës. Vila vazhdon të jetë e regjistruar në emër të kompanisë dhe familja Veliaj-Xoxa vijojnë të jenë borxh te kompanai me 30 milionë lek, për shkak se e kanë patur të pamundur.

Ndërkohë kemi lulishten, por duke lexuar dosjen, prokurorëve nuk u është dashur ndonjë punë e madhe hetimore, sepse gjysmat e informacioneve i kanë siguruar nëpërmjet telefonave dhe mjafton tool më i thjeshtë, Google Earth, për të kuptuar si ka qenë ajo zona dhe si shtë bërë. Duket shumë lehtësisht një lulishte dhe një pishinë që janë shtuar", -tha Çela. /CNA





Lajmet e fundit nga