Gënjeshtra e radhës e Ajola Xoxës/ Ku përfunduan 75 mijë eurot e pretenduara

17 Shkurt 2025, 14:09, Politikë REDAKSIONALE

Gënjeshtra e radhës e Ajola Xoxës/ Ku përfunduan 75

Ajola Xoxa

Ajola Xoxa ka reaguar në rrjetet sociale me të njëjtën strategji si bashkëshorti i saj, i cili ndodhet në qeli, Erion Veliaj, duke u viktimizuar.

Ajo thotë se nuk ka bërë 860 mijë euro blerje megjithëse SPAK-u ka provuar se shtetasi Erald Ismaili ka deponuar duke thënë se të gjitha blerjet në shumën prej 650 milionë lekësh së bashku me doganën në rreth 130 praktika doganore të dorëzuara në SPAK nga dogana shqiptare janë të Ajola Xoxës në adresën e zyrës në Sky Tower 12/3 të Ajola Xoxës me e-mailin e [email protected] dhe numrin e telefonit të Ajola Xoxës.

Por, le ta lëmë mënjanë dhe të marrim këtë që thotë Ajola, nuk kam blerë 800 mijë euro, por kam blerë 75 mijë euro.

Reagon Ajola Xoxa, bllokon komentet
17 Shkurt, 12:30

Pyetja lind: Ku janë këto rroba? Ku janë këto veshje?

Se, bashkëshorti i saj, Erion Veliaj, na tha që këta të SPAK-ut kanë gjetur disa veshje “Zara” në dollap ku i kanë rrobat e gruas sime, le të m’i gjejnë, se as këto 75 mijë euro që ndoshta pretendon Ajola nuk dihet ku janë çuar. Ku janë çuar ato veshje meqenëse Ajola i justifikon, të cilat në fakt i ka dhe të padeklaruara megjithëse mund t’i justifikojë me të ardhurat e saj.

Gënjeshtra e radhës e Ajola Xoxës/ Ku përfunduan 75

Por dhe ato të ardhura në shumë raste janë fiktive siç janë blerjet e pikturave nga biznesmenë që kanë marrë leje ndërtimi.

Ku janë këto 75 mijë euro rroba, te cilët dollapë? Tek ata që na tha Erion Veliaj se duhet t’i gjente SPAK-u? Tek ata që janë fshehur? Tek ata që janë blerë në emër të nënës së Ajola Xoxës? Tek ata që ka blerë vetë Ajola? Në çfarë dollapësh ndodhen? Ku janë futur?

Se po flitet për ca veshje “Zara”. Ku janë këto 75 mijë euro, se 75 mijë euro “Zara” mbushen tri apartamente.

Kush është Erald Ismaili që bleu 650 milionë lekë rroba, veshje për Ajola Xoxën
17 Shkurt, 13:25

Ndaj deklarata e Ajolës është jo vetëm kontradiktore, qesharake, por nxjerr zbuluar më keq të vërtetën se si po tentohet të manipulohet opinioni publik me hallin për të rregulluar imazhin kur në fakt e vërteta është se Ajola Xoxa ka bërë 860 mijë euro blerje me emrin e saj, në adresën e saj, duke përdorur persona të tretë, direkt dhe indirekt dhe këto janë të provuara me praktikat doganore të Doganës shqiptare, jo me fjalë./ CNA