E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Berisha në dy kohë

17 Shkurt 2025, 13:26, Politikë CNA

Kryetari i Partisë Demokratike, Sali Berisha, deri dje thoshte se SPAK-u është organizatë kriminale e kontrolluar nga Edi Rama, ose “SKAP-i i Partisë”, sot para Strukturës së Posaçme deklaroi se ka dalë nga kontrolli dhe që do ta shkrijë nëse vjen në pushtet.

“Të njëjtin fat me bandat do kenë prokurorët që janë të lidhur me bandat. Absolutisht ky institucion nuk do të ekzistojë. Unë ndiej keqardhje se rrëmbeheni nga momente, por një institucion që është jashtë çdo kontrolli, është një institucion për t’u shuar me çdo kusht. Së pari, ky institucion nuk mund të kontrollonte kurrë gjykatësit. Që në momentin që ky kontrollon telefonat e gjykatësve specialë, ke krijuar atë drejtësi që as Enveri dhe Hitleri nuk e kanë pasur ndryshe. Si mund t’i japësh prokurorit kontrollin e gjykatësve tek i cili çon dosjet? Merr fund që këtu. Dhe ju, njerëz të medieve, duhet ta denonconi këtë në mënyrën më të fuqishme. Ekziston një akt i tillë… prandaj u thotë ju ai afërmendsh. Aty pati një shpërthim sinqeriteti Altini. Afërmendsh gjykatësi vendos atë që i themi ne. Fatmirësisht mbështetja kryesore ndaj kësaj organizate kriminale, atje ku i iniciua, atje ka rënë përtokë. Por ne e luftuam edhe në atë kohë kur ata e mbështesnin gjer në qiell. Mos harroni këtu kur Antoni Blinken vinte dhe takonte Altin Dumanin për të falënderuar se kishte arrestuar Sali Berishën. Tani Antoni Blinken nuk hyn dot më në ndërtesat qeveritare të vendit të tij sepse ishte një Edi Ramë në Uashington”, tha Berisha teksa zbatoi masën e sigurisë detyrim paraqitje.

Sali Berisha duhet të ndajë mendjen ose SPAK-un e kontrollon Rama ose ka dalë nga kontrolli se të dyja nuk qëndrojnë.

Berisha: SKAPI i partisë merr rroga 30% më të larta se një kardinal në Vatikan
31 Tetor, 21:44

SPAK-u ose është i kontrolluar nga Rama dhe ka arrestuar zyrtarët e Ramës, ministrat e Ramës dhe kryebashkiakët e Ramës, për interes të tij kur personi më i dëmtuar është vetë Edi Rama, ose është jashtë kontrollit siç thotë po prapë vetë doktori. Ose SPAK-u është nën kontrollin e Edi Ramës, ose është fare jashtë kontrollit.

Çfarë kërkojnë nga SPAK-u, që ta ketë ose njëri ose tjetri në pazar që ta shkrinë?

Pse?

Sepse po ju djeg letrat e korrupsionit?!