web counter
LEXO PA REKLAMA!

SHKARKO APP

App Store
Google Play

Noka takim me emigrantët në Gjermani: Do të ngremë muze korrupsioni me garderobën e Ajolës dhe të Edi Ramës

16 Shkurt 2025, 15:28, Politikë CNA

Noka takim me emigrantët në Gjermani: Do të ngremë muze

Sekretari i Përgjithshëm i Partisë Demokratike, Flamur Noka në fjalimin e tij të mbajtur gjatë një takimi me emigrantët në Hamburg u shpreh se kur të vijë në pushtet, PD do të ndërtojë një muze korrupsioni me blerjet e padeklaruara të bëra nga Ajola Xoxa. Të njëjtën gjë deklaroi Noka do të bëjmë dhe me garderobën e Edi Ramës.

“E njëjtë si Ajola është vetëm Imelda Marcos, gruaja e ish-presidentit të Filipineve, që kur u arratis, në shtëpi harroi 3 mijë palë këpucë. E njëjtë është Ajola Xoxa, e njëjtë është edhe Linda Rama. Në Filipine kur presidenti Marcos u largua, qytetarët dhe qeveria e mëpasshme ngriti një muze me këpucët e Imelda Marcos, muze korrupsioni.

Të njëjtin muze iu premtojmë që qeveria e Sali Berishës do ta ngrejë me të gjitha ato 1 milion euro garderobën e Ajola Xoxës. Të njëjtën gjë do të bëjmë dhe me garderobën e Edi Ramës dhe të Lindës. Do të ngrejmë muze korrupsioni që mos të guxojë askush të përsërisë atë batërdi”, tha Noka.

Po ashtu sekretari i Përgjithshëm i PD tha se e gjithë pasuria e Ramës dhe Veliajt është ngritur nga vjedhja e taksave të qytetarëve.

“Imagjinoni, kryebashkiaku i çdo qyteti të Gjermanisë apo kryeministri të kishte një disproprocion me qytetarët. S’po hyjmë te incvceneratori, se është varr i madh publik që do i zërë të gjithë, Veliajn, Ramën dhe bandën e pushtetit. E gjithë kjo pasuri, me taksat e familjarëve tuaj në Shqipëri.

Qeveria e PD do t’i bëjë shembull këta kusarë që mos të guxojë kush të shtrijë duart mbi taksat e shqëiptarëve. Ne do fitojmë, pasi koha e këtij satrapi të korruptuar ka marrë fund. 11 maji do të jetë varri politik i barbarëve. Ndrshimi në Shtëpinë e Bardhë po merr përpara dhe regjimin e instaluar në Shqipëri. LaCivita ka zbritur në Tiranë për të, mbështetur PD drejt fitores më 11 maj. Ai do ta ndihmojë që të shembim këtë regjim”, u shpreh Noka./ CNA





Lajmet e fundit nga