web counter
LEXO PA REKLAMA!

SHKARKO APP

App Store
Google Play

E fundit!

x

“Lirinë po e cenojnë ata që tundin flamurin e censurës”/ Berisha: Rama në Mynih si kryeministri që ka arrestuar 3 liderë të opozitës

16 Shkurt 2025, 11:39, Politikë CNA

“Lirinë po e cenojnë ata që tundin flamurin e

Kryetari i Partisë Demokratike, Sali Berisha ka prezantuar sot programin për ekonominë të PD. Në fjalën e tij, Berisha është ndalur dhe te fjalimi i zëvendëspresidentit Amerikan, JD Vance të mbajtur në Mynih, duke e quajtur atë një paralajmërim shumë të fortë.

Po ashtu kryedemokrati përmendi dhe deklaratën e Trump se armiku më i rrezikshëm për SHBA është armiku i brendshëm. Berisha e cilësoi presidentin Trump me një guxim mbinjerëzor për këtë deklaratë.

 

“Trump një guxim mbinjerëzor që deklaron se armiku më i rrezikshëm për SHBA është armiku i brendshëm. Po cenonte liritë e qytetarëve amerikanë. Lirinë e amerikanëve po e cenojnë ata që tundin flamurin e censurës në vendin e Kushtetutës së lirisë. Të nesërmen e fitores, një nga njerëzit e administratës Reagan u shpreh se kjo ishte një mrekulli për Amerikën.

Dhe atë mesazh të Presidentit Trump e solli në mënyrën më të qartë, në konferencën e Sigurisë, më të rëndësishmen konferencë të Mynihut, zv.Presidenti i SHBA-ve, i cili u shpreh se: për ju rreziku më kryesor nuk është Kina dhe Rusia, por është brenda jush, e keni në qendrimin tuaj ndaj lirisë, ndaj vlerave. Dhe ky ishte një paralajmërim shumë i ndershëm, shumë i fortë. 

Historia ka provuar se pa SHBA, Europa nuk mbrohet vetë. Rama ishte në Mynih si kryeministri që ka arrestuar 3 liderë të opozitës, si censori që do të mbyllë TikTok vetëm se nuk durton dot kritikat e qytetarëve”, tha Berisha./ CNA





Lajmet e fundit nga