web counter
LEXO PA REKLAMA!

SHKARKO APP

App Store
Google Play

Takim me emigrantët në Gjermani/ Këlliçi: Votave u merr të keqen Edi Rama

16 Shkurt 2025, 14:49, Politikë CNA

Takim me emigrantët në Gjermani/ Këlliçi: Votave u merr

Drejtuesi politik i Partisë Demokratike për Tiranën, Belind Këlliçi ka qenë i pranishëm në një takim me emigrantët në Hamburg të Gjermanisë. Ai është shprehur se në zgjedhjet e 11 majit Rama nuk mund të manipulojë zgjedhjet.

Këlliçi po ashtu tha se kryeministri po ndjek një plan për shpopullimin e Shqipërisë dhe i bëri thirrje Diasporës që të kthehen në vend pas 11 majit.

“E ka kthyer Tiranën në qytetin me m2 më të shtrenjtë në Europë. Rama po zbaton një plan të mirëmenduar për ta shpopulluar Shqipërinë nga shqiptarët. Rama më kollaj e ka të takojë Vuçiç se kryeministrin e Kosovës. Një njeri që është kryeministër i vendit më të varfër të Europës dhe udhëton me charter. Edi Rama nga e hëna, kur në Tiranë zbriti LaCivita e ka humbur qetësinë. Ai e di se ajo që i ka bërë PD jo vetëm do të zhbëhet, por do t’i kthehet shumëfish.

Na u vodhën gjithë atributet, na kapën gjykatësit dhe i detyronin të thoshin ne nuk jemi PD. Dikush që sot është ministër i Shtetit për opozitën, Lulzim Basha quhej PD. Më gjeni një politikan në botë që është si Sali Berisha. PD është kockë shumë e fortë, nuk kapërdihet lehtë. Këtë betejë do e bëjmë dhe për ju, që pas 11 majit të ktheheni në vendin tuaj.

Për fat të keq, Zoti në këto 12 vite na fali një të çmendur si kryeministër. PS nuk ekziston më. Votave u merr të keqen Edi Rama kësaj radhe, jemi të gjithë në këmbë”, u shpreh Këlliçi./ CNA





Lajmet e fundit nga