FAKTI-50 mijë euro blerje online/ E vërteta e fustaneve nga gjyshja tek Ajola Xoxa

CNA ka zbardhur detaje mjaft interesante në lidhje me blerjet e "çmendura" të kryera nga Ajola Xoxa duke përdorur mamanë, gjyshen apo punonjës të OJF-ve të saj. Në dosjen hetimore të SPAK-ut tregohet se si veprohej me blerjet që kërkonte Ajola Xoxa, blerje të cilat kapin shifrën e 50 eurove. Në mes tyre zbardhet dhe e vërteta e fustaneve që Ajola Xoxa pretendonte se ia ka qepur gjyshja, por në fakt, sipas të dhënave thuhet se e ka blerë duke përdorur kartat në emër të gjyshes.

17 Shkurt 2025, 12:06, Denoncim CNA

FAKTI-50 mijë euro blerje online/ E vërteta e fustaneve nga gjyshja

CNA ka zbardhur detaje mjaft interesante në lidhje me blerjet e "çmendura" të kryera nga Ajola Xoxa duke përdorur mamanë, gjyshen apo punonjës të OJF-ve të saj.

Në dosjen hetimore të SPAK-ut tregohet se si veprohej me blerjet që kërkonte Ajola Xoxa, blerje të cilat kapin shifrën e 50 mije eurove.

Në mes tyre zbardhet dhe e vërteta e fustaneve që Ajola Xoxa pretendonte se ia ka qepur gjyshja, por në fakt, sipas të dhënave thuhet se e ka blerë duke përdorur kartat në emër të gjyshes.

Financierja Adela Kondakçiu ka treguar se si staf kanë paguar zhdoganimet e shtetasit Erald Ismaili me urdhër dhe kërkesë të Ajola Xoxës.

Nga paketimi ka konstatuar se ishin marka të shtrenjta të rrobave.

Gjithashtu, e pyetur në datë 07.01.2025, në cilësinë e personit që ka dijeni për veprën penale, në lidhje me zhdoganimet e kryera nga shtetasi Erald Ismaili, shtetasja Adela Kondakçiu, konfirmon se këto procedura kanë ndodhur. Për këtë, deklaruesja ndër të tjera shpjegon se:

Eraldi ose Xhoi i kishin dërguar Adelës kartën e identitetit të Eraldit për të bërë pagesat e doganës në emër të Erald Ismailit, gjithmonë sipas direktivave të Ajolës. Adela Kondakçiu shprehet se ka bërë pagesat e doganës pranë bankave të nivelit të dytë, në emër të Erald Ismailit.

Por, jo vetëm Adela, por edhe Xhoi Skënderasi kanë kryer pagesa, dhe paratë për zhdoganime gjithmonë u jepeshin nga Ajola.

Në lidhje me blerjet e realizuara online te dyqanet Net-A-Porter, të deklaruara nga “Ava Studio”, shtetasja Adela Kondakçiu deklaron se blerjet i ka bërë Ajola me kartën e “Ava Studio” sh.p.k., Ajola i kishte thënë Adelës se ato ishin rroba që i kanë përdorur këngëtarët për videoklipe.

Pyetjes se nga cilat llogari bankare janë bërë këto blerje, shtetasja Adela Kondakçiu nuk ka mundur t'i japë përgjigje me saktësi, por ka menduar se blerjet janë bërë nga llogaria personale e Ajolës ose nga llogaritë e familjarëve si të mamasë ose të gjyshes, ndoshta edhe të Valmirit.

Deklaruesja nuk mendon se ka pasur karta krediti në emër të stafit, të vajzave, por më shumë mendon se ka pasur ndonjë kartë në emër të gjyshes.

Në lidhje me e-mailin [email protected], Adela Kondakçiu përgjigjet se ky ishte një e-mail që e përdorte Ajola.

Adela kujton se Ajola kishte bërë disa blerje nga faqet online brenda vendit, ku blerjet arrinin nga 2000-3000 euro për blerje, pra rreth 50,000 euro blerje janë bërë në emër të Adela Markut, të cilën Adela mendon se nuk është një person real.

E pyetur nëse janë kryer zhdoganime me këtë emër, pra Adela Marku, kjo shtetase deklaron se nuk ka pasur zhdoganime me këtë emër për shkak se ishte një emër fiktiv sipas saj dhe në rastin e zhdoganimit kërkohet një numër identifikimi.

Në lidhje me blerjet online dhe porositë e dorëzuara te zyrat e Sky Tower ose të zhdoganuara në emër të shtetasit Erald Ismailit, shtetasja Adela Kondakçiu deklaron se asnjë tjetër në zyrë nuk bënte blerje online dhe se të gjitha zhdoganimet që janë bërë në emër të Eraldit janë blerje të Ajolës në dijeninë e Adelës.

Në vijim deklaron se nuk di të ketë pasur karta të tjera të personave të tjerë. Siç ka thënë dhe më parë, ajo ka qenë e mendimit që gjithmonë pagesat bëheshin nga llogaritë e familjarëve, ndoshta të nënës, gjyshes ose babait.