Faktet/ Gjyqtari Erion Bani dha 3 herë pafajësi për Veliajn

12 Shkurt 2025, 14:01, Denoncim CNA

Kryeministri Edi Rama, sot në mbledhjen e grupit të Partisë Socialiste, sulmoi në mënyrë të drejtpërdrejtë gjyqtarin Erion Bani duke thënë se kishte marrë një mesazh nga një qytetar (u kthye dhe kryeministri ynë zoti Rama me qytetarin digjital, nuk i ndahet pasioni si doktori), që i kishte thënë se Erion Bani është i targetuar për të dënuar njerëzit e PS-së, zyrtarët e saj, gjyqtari që ka dhënë vendimin për Erion Veliajn se është i djathtë etj. (LEXO KETU)

Në fakt si në rastin e mësipërm ku ne treguam se kryeministri kishte gënjyer apo të paktën e ishin gënjyer për të thënë atë që e artikuloi publikisht në lidhje me faktin se kush e kishte zgjedhur gjyqtarin Erion Bani, po sjellim një tjetër fakt shumë kokëfortë.

Rama gënjeu/ Erion Banin e "zgjodhi" Veliaj
12 Shkurt, 13:03

Na vjen keq që e nxjerrim kryeministrin tonë gënjeshtar, ama e vërteta vonon, por nuk harron.

Gjyqtari Erion Bani ka dhënë tri vendime pafajësie për kryebashkiakun e Tiranës, Erion Veliajn.

Ne po i përmendim një e nga një, do të shikoni dhe linke të mediave të tjera si “shqiptarja.com”, media e Carlo Bollino-s, media e paguar nga inceneratorët dhe një nga flakadanët e kryebashkiakut të Tiranës, ku shikojmë se Erion Veliaj ka fituar gjyqin me Grida Dumën.

Faktet/ Gjyqtari Erion Bani dha 3 herë pafajësi për Veliajn

Shkrimet nga Shqiptarja.com

Dokumenti i publikuar nga shqiptarja.com

Sipas të dhënave të nxjerra zyrtarisht nga gjykata rezulton se 104 akt numër 83 vendimi në datën 14.12,2021 me paditëse Grida Dumën, i paditur Erion Veliaj, në GJKKO gjyqtari i çështjes, Erion Bani, shpall Erion Veliajn të pafajshëm.

Vendimi i Erion Banit për Erion Veliajn, paditese Grida Duma, e shpall te pafajshem

Rasti i dytë është 113 akt numër 86 vendimi data 16.12.2021, pra dy ditë më vonë pas vendimit të parë të pafajësisë, gjyqtari Erion Bani shqyrton çështjen me paditëse Jorida Tabakun dhe i paditur Erion Veliaj dhe e shpall të pafajshëm Erion Veliajn.

Erion Bani shpall te pafajshem Erion Veliajn, paditese Jorida Tabaku (vendimi)

Dy vendime pafajësie në 4 ditë për kryebashkiakun Erion Veliaj dhënë nga gjyqtari Erion Bani. Shkojmë më tej. 41/134 akt numër 3 vendimi i datës 21.01.2022 paditës Erion Isufi kunati i Lulzim Bashës, pra 6 muaj pas zgjedhjeve të 2021 Erion Isufi ka paditur Erion Veliajn në GJKKO dhe gjyqtari i çështjes është Erion Bani, i cili për herë të tretë në pak javë jep vendim pafajësie për Erion Veliajn.

Lajmi nga shqiptarja.com per shpalljen i pafajshem te Erion Veliajt nga gjyqtari Erion Bani

(Ketu mund te lexoni shkrimin nga shqiptarja.com)

Tani këto janë tri vendime pafajësie të gjyqtarit Erion Bani që sipas kryeministrit është i djathtë dhe i targetuar për të dënuar zyrtarët e lartë të PS-së dhe Erion Veliajn.

Zoti Kryeministër do të duhet ta lexonte këtë shkrim. Ju lutem kush e lexon këtë shkrim dhe kush i ka numrin kryeministrit ti’a çojnë sa më shumë këtë material, ta ketë që ta lexojë, ta verifikojë dhe të mos vazhdojë të dalë ende blof me të tilla gënjeshtra publike se e vërteta është aty. Gjyqtari Erion Bani ka dhënë tri vendime pafajësie për Erion Veliajn. Ky është fakt dhe provë ashtu siç i do kryeministri ynë.

Në shkrimet e tjera (këtu mund të lexoni)se si ka gënjyer apo e kanë gënjyer kryeministrin për vilën në Qerret, është një shkrim i zbërthyer dhe se si e “peshkoi” Erion Banin në çështje Erion Veliaj si gjyqtar duke shpresuar se do të merrte dhe pafajësitë e radhës porro këtë herë Erion Veliaj nuk ishte i pafajshëm, por ishte fajtor me fakte dhe prova./ CNA