web counter
LEXO PA REKLAMA!

SHKARKO APP

App Store
Google Play

“Makthi” i qytetarëve/ Wizz Air përfshihet në një tjetër skandal

9 Shkurt 2025, 19:26, Denoncim CNA

“Makthi” i qytetarëve/ Wizz Air përfshihet në

Wizz Air, një nga kompanitë më skandaloze të fluturimit, e cila njihet si “makthi” i qytetarëve është përfshirë në një tjetër skandal.

Kjo kompani e cila thotë se është me kosto të ulët, por në të vërtetë është një kosto e madhe për qytetarët të cilët kalojnë një kalvar të gjatë vuajtjesh me këtë kompani ajrore këtë herë ka tejkaluar numrin e pranuar të rezervimeve duke lënë një pjesë të madhe të udhëtarëve në tokë në udhëtimin e linjës Pisa-Tiranë.

Të shqetësuar, pasagjerët e kësaj linje kanë denoncuar pranë redaksisë së CNA se kanë mbetur pa fluturuar për shkak të papërgjegjshmërisë së Wizz Air, e cila ka pranuar rezervime tej kapaciteteve për linjën Pisa Tiranë.

Raste të shumta denoncimi nga pasagjerët janë publikuar në CNA, të cilët tregonin që niseshin për në një shtet të caktuar dhe përfundonin në një shtet tjetër, duke u detyruar të prisnin me orë të tëra për të arritur në destinacion.

Kjo kompani mbart në "CV-në" e saj një "mal" me denoncime si një nga kompanitë që është shndërruar në makthin e udhëtarëve./ CNA





Lajmet e fundit nga