web counter
LEXO PA REKLAMA!

SHKARKO APP

App Store
Google Play

EKSKLUZIVE-Ermir Beta, nga ekspert i socialistëve në avokat të Erion Veliajt/ Tentakulat e Arben Rakipit

10 Janar 2025, 13:09, Denoncim CNA
EKSKLUZIVE-Ermir Beta, nga ekspert i socialistëve në avokat të
Erion Veliaj dhe Arben Rakipi

Ditën që në media u bë publik një draftqëndrim i pretenduar se ishte i avokatëve të Veliajt CNA kontaktoi Ermir Betën.

Ky i fundit, deri në këto momente pak i njohur për opinionin publik apo për qëndrimet e tij politike apo ligjore.

Ermir Beta u shfaq si një emër në momentin që përgënjeshtroi pa asnjë ekuivok një draft me pika pretenduar se ishte bërë gati nga avokatët e Erion Veliajt dhe publikuar në mediat e këtij të fundit.

I kontaktuar nga CNA ai e mohoi. Ndoshta mund të jetë rasti ku mund t’i ketë bërë vetë ato pika dhe më pas i është dashur që të mos i pranojë, por e vërteta është se ai sulm ndaj SPAK-ut ishte organizuar nga zyra e kryebashkiakut të Tiranës. (LEXO KETU)

ERMIR BETA, LIDHJET ME ARBEN RAKIPIN DHE ERION VELIAJN

Le të kthehemi tek Ermir Beta.

Së fundi, në një investigim të bërë nga emisioni “Plug” në “Syri TV”, Ermir Beta del se është një avokatët e studios “Rakipi & Partners”, i cili ka 20% të aksioneve, por është edhe administrator i shoqërisë. 

EKSKLUZIVE-Ermir Beta, nga ekspert i socialistëve në avokat të
Ermir Beta, administrator i "Rakipi & Partners"

Pra, Ermir Beta nuk është një jurist i thjeshtë që Erion Veliaj gjeti tashmë dhe e zbuloi rrugës.

 

Sa për Arben Rakipin emisioni “Plug” i sqaronte të gjitha lidhjet e tij, tentakulat, si lidheshin me avokatët e studios gjyqtarët apo prokurorët, të cilët mbroheshin në veting, njerëzit e lidhur me Arben Rakipin dhe Erion Veliajn, një rreth njerëzish që në fakt duhen hetuar.

Por me ato të dhëna të publikuara godet ashpër të vërtetën e reformës në drejtësi, pra që mund të ketë pasur selektivitet, ndërhyrje apo lidhje të forta, të cilat kanë ndryshuar rrjedhën e ndonjë prokurori apo gjyqtari.

CNA gjithashtu ka mundur të sigurojë të dhëna se Arben Rakpi shfaqet shpesh në SPAK përtej të qenit “avokat” apo kryetar i Magjistraturës, pasi, edhe pse në letra nuk duket gjëkundi të jetë më përfaqësues i ndonjë subjekti, ai është drejtuesi i shkollës së Magjistraturës dhe shpesh bën “avokatin” në drekat e tij me prokurorët e SPAK-ut, të cilat përfliten jo pak në Tiranë, me vajtjet e tij në SPAK, në institucion, trokitjet në zyrat e këtij institucioni.

Ermir Beta është njeriu i Arben Rakipit, është ortaku i tij, është administratori i kompanisë së tij.

Arben Rakipi nga ana tjetër shihet në korridoret e SPAK-ut, shihet me drejtuesit e këtij institucioni, por Ermir Beta është avokati i Erion Veliajt dhe Arben Rakipi është njeriu që mban lidhje jo pak të forta me SPAK-un.

ERMIR BETA, AVOKATI I VELIAJT, EKSPERT I SOCIALISTËVE NË KOMISIONIN HETIMOR TË STERILIZIMIT

CNA, sot po përqendrohet te ky fakt, jo te lidhjet e Ermir Betës, ndërhyrjet e Arben Rakipit dhe ortakëve të tyre, por se avokati që ka Erion Veliaj, ortaku i Arben Rakipit, është një nga ekspertët e përzgjedhur nga Partia Socialiste në Komisionin Hetimor për Sterilizimin.

EKSKLUZIVE-Ermir Beta, nga ekspert i socialistëve në avokat të
e-mail-i ku Ermir Beta dakordëson takime që lidhen me "Sterilizimin"

Në dokumentin që ne sjellim duket qartë se Ermir Beta çon një e-mail ku dakordëson takime, drafte, çështje që lidhen me Komisionin e Sterilizimit, pra përtej një Ermir Bete aksioner në “Rakipi Partners” kemi një Ermir Betë avokat të Erion Veliajt, kemi dhe një Ermir Betë ekspert në komisionin e Sterilizimit si përfaqësues i Partisë Socialiste.

ERMIR BETA, VEGLA E RAKIPIT

Sa për Arben Rakipin, kuptohet, ai është dirigjenti, Ermir Beta & Co janë thjeshtë veglat e orkestrës të dirigjuar nga Rakipi gjatë gjithë reformës në drejtësi, por dhe tani për shumë çështje të ndryshme delikate siç është edhe ajo e kryebashkiakut të Tiranës, Erion Veliaj./ CNA





Lajmet e fundit nga