web counter
LEXO PA REKLAMA!

SHKARKO APP

App Store
Google Play

E fundit!

x

Skandali i radhës i Veliajt/ Nxjerr banorët nga shtëpitë gjatë festave

26 Dhjetor 2024, 14:38, Denoncim CNA
Skandali i radhës i Veliajt/ Nxjerr banorët nga shtëpitë
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj, nën hetim dhe nën akuzë nga SPAK-u, është përfshirë në një tjetër skandal.

Bëhet fjalë për një skandal që lidhet me rikonstruksionin e një pallati në zonën e 21 Dhjetorit, gjoja në emër të rindërtimit nga tërmeti i 2019-ës, që lë jashtë dhjetëra familje.

Në 1 shtator të 2022-shit, Bashkia e Tiranës, e drejtuar nga Veliaj, hapi një tender me objekt “Riaftësimi strukturor i ndërtesës Nr.116, Rr. “Muhamet Gjollesha”.

Skandali i radhës i Veliajt/ Nxjerr banorët nga shtëpitë
Bashkia e Tiranës

Pra, Bashkia e Tiranës dha tender për rikonstruktimin e ndërtesës Nr. 116, e cila ndodhet pranë shkollës “Sabaudin Gabrani”.

Tenderi është mbajtur në 12 shtator 2022, ndërsa fituesi, sipas “Open Data”, rezulton të jetë shpallur më 24 korrik 2024.

Bashkia e Veliajt e ka shpallur fituesin pas 2 vitesh gjumë, me fond 39 379 516 lekë, pothuajse sa fondi limit i vendosur nga bashkia, i cili është 40 711 72 lekë.

Skandali i radhës i Veliajt/ Nxjerr banorët nga shtëpitë
Të dhënat nga "Open Data" për tenderin

Tenderi u fitua nga kompanitë “PEPA GROUP” sh.p.k., “JUNIK” sh.p.k. dhe “NIKA” sh.p.k.

Tashmë, rreth 5 muaj pas shpalljes së fituesit, pranë godinës Nr.116 është shfaqur një “fletërrufe” pa firmë dhe pa vulë.

Në mur është ngjitur një njoftim, ku banorëve të ndërtesës u kërkohet të lirojnë sa më shpejt banesat.

Në letër thuhet se punimet do të zgjasin 10 muaj, pasi do të realizohet përforcimi i themeleve, përforcimi i mureve të tullës me torketim, hidroizolimi i tarracës, etj.

Skandali i radhës i Veliajt/ Nxjerr banorët nga shtëpitë
Njoftimi i ngjitur në murin e godinës

Ky njoftim vjen si rrufe në qiell të hapur për banorët e ndërtesës, apo edhe bizneset, gjatë festave të fundvitit.

Në cilin vend të botës vendoset një letër në mur pa firmë e pa vulë?!

Për rikonstruksionin e ndërtesës nuk është bërë asnjë konsultim me banorët, nuk është dhënë asnjë informacion, nuk dihet nëse ka një akt ekspertimi apo një vendim Këshilli Bashkiak.

Skandali i radhës i Veliajt/ Nxjerr banorët nga shtëpitë
Bashkia e Tiranës

Banorët nuk janë pyetur, por me një copë letër u kërkohet të dalin nga shtëpitë. Ku do të shkojnë këto familje për 10 muaj?

Po bizneset që janë aty? Bizneset që kanë aktivitet kanë kontrata qiraje?

Si mundet një institucion i rëndësishëm siç është Bashkia e Tiranës të dërgojë një letër, ku nuk përmendet asnjë titullar i bashkisë, ndërkohë që për banorët kjo “fletërrufe” mund të sjellë dëme të konsiderueshme financiare, pa llogaritur stresin.

Skandali i radhës i Veliajt/ Nxjerr banorët nga shtëpitë
Kryebashkiaku i Tiranës, Erion Veliaj

Çmimet e qirave në kryeqytet janë bërë të papërballueshme, për të mos folur më pas për të blerë një shtëpi.

Kush mban përgjegjësi për këta banorë që lihen në qiell të hapur gjatë festave, kur dokumenti i varur në mur nuk ka asnjë emër apo adresë ku banorët të referohen.

Kjo nuk është vetëm një papërgjegjshmëri, por një skandal që kalon kufijtë e imagjinatës, ku përfshihet edhe kryebashkiaku Erion Veliaj./ CNA





Lajmet e fundit nga