E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Ka djalin me kemp nga meningjiti/ Zbardhja e divorcit i rrezikon pagesën

13 Dhjetor 2024, 21:22, Denoncim CNA

“Stop” ishte në Xhafzotaj, Durrës me zonjën Behije Vila, e cila në vitin 2022, iu drejtua gjykatës për divorc nga bashkëshorti.

Procesi zgjati deri në Qershor 2024, kur u zhvillua edhe seanca e fundit që vendosi që fëmijët të rrinë me nënën.

Kanë kaluar 6 muaj dhe ende nuk është zbardhur vendimi i divorcit.

“Në seancën e fundit u vendos që dy fëmijët të më kalojnë mua dhe djali ngaqë mbushi 18 vjeç në Qershor u vendos të mos marrë asgjë nga i ati, ndërsa të paguante vetëm për vajzën që është 16 vjeçe. Të dy u pajtuam me vendimin. Akoma nuk e kam marrë fizikisht atë vendim të zbardhur. Kam shkuar, jam interesuar nuk është zbardhur akoma në gjykatën e Durrësit. Gjyqtarja është Besjana Garxenaj”, tha denoncuese.

Ky moment është jetik për zonjën Vila, pasi ajo ka një djalë 18 vjeç në karrocë, me Kemp për shkak të meningjitit që në moshë të vogël.

“Djali 18 vjeç ka mbushur në qershor. 3 ditë pasi ka lindur ka kaluar temperaturë dhe meningjit në inkubator në Greqi dhe fatkeqësisht e ka lënë me këto pasoja që shikoni dhe sot. Nuk mund të bëjë asgjë vetë. Këtë vendimin e dua sepse në Shërbimin Social më kërkojnë për djalin që ta marr përsipër ngaqë nuk është i aftë që të firmosi vetë ose të bëjë tërheqjen e pagesës së tij vetë dhe tani është maxhoren, më kërkojnë mua këtë vendim që të hap një gjyq për djalin. Mirëpo unë nuk hap dot gjyqin po nuk mora mbiemrin tim sepse e kam unë djalin përsipër dhe gjykata vendosi që djali dhe vajza t’i kem unë. Do më shkëpusin pagesën mujore gjë që unë me atë jetoj, 300 mijë lekë djali dhe 120 mijë të mia për kujdestarinë 24 orë”, tha denoncuesja.

“Stop” shkoi në gjykatë, ku u tha se nuk ka firmosur pala tjetër për njohjen e vendimit.

Sekretaria: Dosjen e ka dorëzua tani kjo, në 31 tetor, kështu që e ka dorëzuar vonë. Do t’i komunikohet vendimi në adresë dhe duhet të firmosi ajo! Nga momenti, që ka firmosur dhe Behija dhe Kastrioti. Firmosin që të dy, pas 15-ditësh merr vendimi formë të prerë. Erdhi dhe dje ajo gruaja, nuk ka firmosur Delo Isufe. Aty ka ngel gjithë puna. Avokati.

Por avokati i ish-bashkëshortit të zonjës, Dilo Isufi, shpjegoi se klienti i tij ka firmosur dy muaj e gjysmë më parë.

Avokati: Është firmosur nga ana e Kastriotit, më ka ardhur mua dhe e kam firmosur. Ka nja dy muaj e gjysmë.

“Stop” u rikthye në gjykatë, ku pas këmbënguljes sonë, dokumenti u gjet dhe zonja Behije Vila mund të procedojë me Kempin e djalit të sëmurë.

Denoncuesja: Uaaa! Me të vërtetë?! Shumë faleminderit! Ju ruajt Zoti i Madh!/ tvklan