web counter
LEXO PA REKLAMA!

SHKARKO APP

App Store
Google Play

Del skandali i Ajola Xoxës/ Si lidhet me “MJAFT”-in, hallka e zinxhirit korruptiv

12 Dhjetor 2024, 10:57, Denoncim CNA
Del skandali i Ajola Xoxës/ Si lidhet me “MJAFT”-in, hallka e
Ajola Xoxa

Një tjetër skandal i çiftit Veliaj-Xoxa ka dalë në dritë që tregon një tjetër hallkë të zinxhirit korruptiv që përfshin kryebashkiakun e Tiranës dhe bashkëshorten e tij, por edhe personazhe të tjerë të politikës.

Në emisionin “Plug” janë zbuluar fijet se si lidhet Ajola Xoxa me organizatën “MJAFT” të Erion Veliajt.

Denoncimi ka të bëjë me një organizatë jofitimprurëse, “Balkan Youth Link Albania”, e themeluar në vitin 2002.

Sipas faqes zyrtare në internet, kjo organizatë me akronimin “BYL-A”, funksionon në formë qendre me një bord drejtues të përbërë nga 5 anëtarë. Më tej, po në faqen zyrtare, “BYL-A”, ka të listuara edhe aktivitetet apo projektet, të financuara gjerësisht nga Xhorxh Soros, mes të cilëve është dhe ai i fushatës “MJAFT”, e cila më pas u shndërrua në lëvizje drejtuar nga Erion Veliaj.

Sipas “Plug”, organizata, e cila paguan 22 mijë euro Ajola Xoxën, ka qenë organizata themeluese e "MJAFT"-it.

Del skandali i Ajola Xoxës/ Si lidhet me “MJAFT”-in, hallka e

Ajo që nisi si një fushatë, shumë shpejt do të përkthehej në një OJF, të re. "MJAFT", e financuar nga Fondacioni Soros, ka pasur në bordin e saj drejtues, bashkëpunëtorët më të afërt të Erion Veliajt gjatë karrierës së tij publike dhe politike.

Aktualisht "Balkan Youth Link-Albania" rezulton e regjistruar në emër të Erald Ismailit. Ky shtetas, me profesion avokat, në aktivitetin e tij publik, rezulton një shpërndarës i zakonshëm i aktivitetit të Erion Veliajt në rrjetet sociale.

Të dhënat e "Plug" tregojnë gjithashtu se Erald Ismaili është punonjës në Ujësjellës Kanalizimet në Tiranë.

Pra, mbetet për t`u saktësuar nga SPAK-u, nëse Erald Ismaili është vetëm një “presta nome”, i organizatës "Balkan Youth Link Albania", e cila në fillesat e saj është drejtuar nga Erion Veliaj dhe tashmë mund të drejtohet nga bashkëshortja e tij, Ajola Xoxa.

SI LIDHET AJOLA XOXA ME ORGANIZATËN “BYLA”

Ajola Xoxa është prezente në shumë aktivitete të shoqatës "Balkan Youth Link Albania". Në 4 dhjetor të vitit 2016, Ajola Xoxa merr pjesë si trajnuese në konferencën 3-ditore të modelit të “NATO"-s, organizuar nga "Balkan Youth Albania". Ajo shfaqet mes shumë të rinjve, së bashku me Klotilda Ferhatin, që në atë kohë ofronte shërbime konsulence për disa OJF të SOROS, ndërsa ishte anëtare e Këshillit Bashkiak të Tiranës.

Emri i Ajola Xoxës lidhet përsëri me Byla-n në tetor të vitit 2023. Sipas postimit në faqen zyrtare të "Instagram"-it të Erion Veliajt, "Harabel Competorary", "D18 Paris" dhe "Byl-a" kanë bashkëpunuar për të sjellë në skenë shfaqjen e baletit “SONOMA”. "Plug" e investigoi edhe më tej. Nga të dhënat e thesarit rezultoi se "Byla" ka përfituar 50 mijë euro pagesë për këtë shfaqje nga Bashkia e Tiranës.

Dhe nga ky fond i firmosur nga Erion Veliaj, 22 mijë euro shkuan direkt në xhepin e Ajola Xoxës, siç bëhet e qartë edhe në deklarimin e saj të pasurisë.  

Jo vetëm çifti Veliaj-Xoxe, por edhe bashkpunëtorët e tyre rezultojnë si të përfshirë familjarisht.

AJOLA XOXA, ROL DREJTUES NË NJË TJETËR ORGANIZATË

Një tjetër organizatë ku Ajola Xoxa ka rol drejtues, është Instituti për Studime Bashkëkohore Ndërkombëtare, “Benussi”. Sipas të dhënave që gjenden në internet, Ajola Xoxa rezulton të ketë qenë drejtore ekzekutive e institutit “Benussi”. Nga verifikimet e kryera nga "PLUG" në deklaratat e pasurisë së familjes Veliaj, bashkëshortja e tij Ajola Xoxa nuk deklaron të ardhura nga kjo shoqatë. Ndaj i mbetet SPAK-ut të verifikojë nëse kemi të bëjmë me fshehje të të ardhurave.

Kjo pasi instituti “Benussi” rezulton të jetë një nga organizatat më aktive në vend. Dhe fokusi kryesor i kësaj organizate ka qenë pikërisht Reforma në Drejtësi, që prodhoi pikërisht organet aktuale të drejtësisë, ku Erion Veliaj ka shtrirë rrënjët thellë.

Një tjetër fakt, që forcon bindjen se pas "Balkan Youth Link Albania" dhe institutit “Benussi”, rolin vendimmarrës e ka drejtpërdrejt Ajola Xoxa, është pikërisht bashkëpunimi i këtyre dy organizatave mes tyre në projekte të caktuara. Një i tillë është projekti “Për ngritjen e kapaciteteve të shërbimit social shtetëror", ku "BYL-A" dhe “Benusi” bëhen bashkë për të trajnuar drejtorët e Shërbimit Social Shtetëror.

Një tjetër rast flagrant për prokurorët e SPAK-ut, ku fondet e dhëna nga UNICEF për Bashkinë Tiranë, sërish përfunduan në xhepat e Ajola Xoxës, bashkëshortes së Erion Veliajt. Siç duket edhe në raportimin e mediave të kohës, Erion Veliaj, si kryebashkiak, Blendi Klosi si pauses i Veliajt në Ministrinë e Mirëqenies Sociale dhe Klotilda Bushka, njëherësh anëtare e Këshillit Bashkiak, anëtare bordi në shoqatën "Benussi", janë pjesë e aktivitetit justifikues për milionat e UNICEF të disbursuara për Bashkinë e Tiranës për OJF-në e Ajola Xoxës.

"Plug" ka zbuluar se Klotilda Bushka mbante rolin e anëtares së Bordit në institutin “Benussi”. Teksa mbante këtë pozicion dhe shfaqej krah Erion Veliajt në aktivitetet e shoqatave të Ajola Xoxës, Klotilda Ferhati nuk ka deklaruar të ardhura nga shoqata "Benussi"./ CNA





Lajmet e fundit nga