web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti-Skandali i Veliajt, jep tenderë dhe nxjerr banorët nga pallati

27 Dhjetor 2024, 12:19, Denoncim CNA

Dokumenti-Skandali i Veliajt, jep tenderë dhe nxjerr banorët nga

CNA ka zbardhur një tjetër skandal të kryebashkiakut Erion Veliaj.

Skandali lidhet me rikonstruksionin e një pallati në zonën e “21 Dhjetorit”, me pretendimin se po bëhet në kuadër të rindërtimit nga tërmeti i 2019-ës, që lë jashtë dhjetëra familje.

Bashkia e Tiranës në shtator të 2022-shit ka hapur një tender me objekt “Riaftësimi strukturor i ndërtesës Nr.116, Rr. “Muhamet Gjollesha”, ndërsa sipas të dhënave të CNA të marra nga Open Data rezulton se fituesi është shpallur në 24 korrik të vitit 2024.

Bashkia e Veliajt e ka shpallur fituesin pas 2 vitesh, me fond 39 379 516 lekë, pothuajse sa fondi limit i vendosur nga bashkia, i cili është 40 711 72 lekë.

Dokumenti-Skandali i Veliajt, jep tenderë dhe nxjerr banorët nga

Tenderi u fitua nga kompanitë “PEPA GROUP” sh.p.k., “JUNIK” sh.p.k. dhe “NIKA” sh.p.k.

5 muaj pas shpalljes së fituesit, pranë godinës Nr.116 është shfaqur një “fletërrufe” pa firmë dhe pa vulë ku thuhet se punimet do të zgjasin 10 muaj, pasi do të realizohet përforcimi i themeleve, përforcimi i mureve të tullës me torketim, hidroizolimi i tarracës, etj.

Dokumenti-Skandali i Veliajt, jep tenderë dhe nxjerr banorët nga

Për rikonstruksionin e ndërtesës nuk është bërë asnjë konsultim me banorët, nuk është dhënë asnjë informacion, nuk dihet nëse ka një akt ekspertimi apo një vendim Këshilli Bashkiak.

CNA i ka shkuar më tej çështjes.

CNA ka zbardhur një tjetër dokument që është njoftimi i Bashkisë Tiranë i dërguar tek administratori i Njësisë, Edison Zanaj, ku shihet se 1 muaj pas shpalljes së fituesit, ka dërguar letër administratorit ku e informon për punimet, por sërish nuk ka asnjë të dhënë apo datë se kur banorët e pallatit duhet të lirojnë banesat.

Dokumenti-Skandali i Veliajt, jep tenderë dhe nxjerr banorët nga

Përveç kësaj kjo tregon dhe njëherë skandalin që pas 2 vitesh gjumë pasi shpall fituesin dërgon fletë rrufe pa u konsultuar me banorët apo pa i vënë në dijeni për periudhën që do të kryhen këto punime.

Banorët e këtij pallati të vetmin informacion që kanë marrë është letra pa asnjë firmë dhe asnjë vulë e ngjitur në mur ku u thuhet se duhet të lirojnë banesat e tyre dhe se Vitin e Ri do ta kalojnë në qiell të hapur.

Ky është një tjetër skandal që duhet të hetohet nga SPAK-u pasi bashkia e Veliajt jep tenderë para dy vitesh dhe shpall fituesin pas dy vitesh dhe njofton banorët e pallatit me një copë letër të lënë shtëpitë e tyre.

Kujtojmë se Veliaj po hetohet nga SPAK për një sërë dosjesh, si inceneratori i Tiranës, dosja “5D”, shembjet te “5 Maj”, shembja e teatrit, hetimi pasuror e të tjerë.

Një ditë më parë u thirr në SPAK ku u pyet për 5 orë rreth dosjeve të nxehta ku emri i tij është i përfshirë.

Hetimi pasuror ndaj Erion Veliajt ka filluar pasi ka pasur dyshime për të ngritur akuzë korrupsioni, shpërdorim detyre, pastrim i produkteve të veprës penale dhe fshehje pasurie./ CNA

 





Lajmet e fundit nga