E fundit!

07:10 Politikë

Riformatohet kupola e PD-së, ja fituesit e posteve kyçe

Partia Demokratike ka përfunduar votimin për zgjedhjen e n...

Ardit Gjebrea i doli në mbrojtje/ Veliaj i dha 300 milionë lekë

15 Shkurt 2025, 11:16, Denoncim CNA

Një grup këngëtarësh dhe prezantuesish kanë dalë në mbrojtje të kryebashkiakut Erion Veliaj, ky i fundit i arrestuar si i dyshuar për korrupsion dhe pastrim parash.

Shumë prej tyre dolën pafytyrësisht para SPAK-ut duke protestuar për Veliajn, i cili duket se i ka shpërblyer mjaft mirë me para.

Njëri prej personazheve televizivë që ka reaguar dhe ka dalë në mbështetje të Erion Veliajt ka qenë edhe moderatori Ardit Gjebrea.

"Askush nuk mund të thotë që Tirana është njësoj si më parë. Dhe për fat të keq si mundet që nuk e bërtasin punën tënde e sa shpejt harruan (me qëllim) që Tiranës ju fute me themel për ta ndryshuar për të mirën e përditshmërisë tonë? Një ditë do të të kërkojnë, dhe e di: I afti gjithmonë e gjen mënyrën të jetë i denjë për veten dhe familjen. Jam i lumtur dhe krenar që kam një mik si ty!”, shkruan prezantuesi, duke e shoqëruar mesazhin me një foto me Veliaj dhe hashtagun #jamerion dhe #kambesimtekti”, shkruante Gjebrea në rrjetet sociale.

Ardit Gjebrea i doli në mbrojtje/ Veliaj i dha 300 milionë lekë

Pse Ardit Gjebrea i doli në mbrojtje “Lali Erit”?

Sipas të dhënave nga Drejtoria e Përgjithshme e Thesarit, të pasqyruara në Open Spending Data, rezulton se Ardit Gjerbrea ka marrë para plot 6 herë nga Bashkia e Tiranës.

Në datën 19.12.2022 Bashkia Tiranë i ka dhënë 8,000,000 lekë Shoqatës Jon Music për festivalin Kënga Magjike 2022.

Një tjetër pagesë që ka marrë nga Bashkia e Tiranës është në 03.12.2021, me vlerë 705,880 lekë nga Jon Music sërish për Festivalin Kënga Magjike.

Në datë 11.10.2021 Bashkia Tiranë i ka dhënë Jon Music 6,289,998 lekë për festivalin Kënga Magjike 2021.

Në datë 03.02.2020 Bashkia Tiranë i ka dhënë Jon Music 2,700,000 lekë. Një tjetër transaksion është bërë nga Bashkia Tiranë për Jon Music në datën 31.01.2020 me vlerë 4,300,000 lekë.

Po ashtu në datën 29.01.2019 Jon Music ka marrë 7,975,000 lekë nga Bashkia e Tiranës.

Të gjitha këto transaksione janë bërë për festivalin Kënga Magjike.

Të dhënat mund t’i shikoni në këtë tabelë.

Ardit Gjebrea i doli në mbrojtje/ Veliaj i dha 300 milionë lekë

Janë bërë 6 transaksione nga Bashkia e Tiranës për Jon Music vlera shkon mbi 300 milionë lekë. Kjo tregon dhe arsyen pse Ardit Gjebrea doli dhe “bërtiti” fort se është me “Lali Erin”, shpresojmë që 300 milionët e marra nga taksat e qytetarëve të Tiranës Arditi të mos i ketë bërë brekë e kanotiere./ CNA