E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Sot votohet Avokati i Popullit/ Thirrje parlamentit pas 35 vitesh: Votoni antikomunistin Besim Ndregjoni

17 Shkurt 2025, 14:31, Politikë Besim Ndregjoni

Sot votohet Avokati i Popullit/ Thirrje parlamentit pas 35 vitesh: Votoni

Të nderuar parlamentarë!

-Ju bëjmë thirrje të 140 deputetëve të pozitës dhe opozitës:

-Bëni demokraci me votë dhe jo me vendime politike të partive.

-Vota e juaj nuk i shërben një individi, por kauzës, kontributeve për ndërtimin e shtetit të së drejtës për të cilën ka nevojë Shqipëria!

-Partia Demokratike dhe Partia Socialiste shembeni murin politik prej 35 vitesh që nuk votoni qëndrestarët e diktaturës antikomuniste, por vetëm të priviligjuarit e komunizmit.

-Keni mbi tri vite që shkelni Kushtetutën duke mos e zgjedhur Avokatin e Popullit sepse kandidon një antikomunist.

-Avokati i popullit i shërben popullit dhe jo partive.

Për interesa tuaj dhe të partive që përfaqësoni ju shkelni Kushtetutën dhe keni mbi 35 vite që nuk ndërtoni shtet të së drejtës për të cilin u sakrifikuan mijëra jetë njerëzore shqiptare.

-Ne të mbijetuarit e diktaturës, antikomunistët shqiptarë, që luftuam për të drejtat dhe liritë tona përballë plumbave të diktaturës, ju bëjmë thirrje kombëtare:

-Përçoni paqen ndaj urrejtjes, jo narcizmit politik ndaj të përndjekurve politikë.

-Për drejtimin e Avokatit të Popullit garon një personalitet me përmasa kombëtare, përfaqësues i të mbijetuarve të diktaturës, Besim Ndregjoni, biri i një nëne fisnike që mbrojti hebrenjtë duke sakrifikuar fëmijët e saj për shpëtim të jetëve njerëzore.

-Voto të birin e antifashistit të 1939, voto nipin e tre të pushkatuarve dhe dy të mbytur në tortura në hetuesi.

-Voto pinjollin e familjes shqiptare që përballoi tri diktatura.

-Voto personalitetin që e vlerësoi Papa Françesku për kontributin e dokumentimit të krimeve të komunizmit.

-Voto aktivistin e të drejtave dhe lirive të njeriut që përçon paqen mbi tri dekada kundër urrejtjes së politikëbërjes.

-Vota juaj le t'i shërbejë vizionit tuaj për të nderuar të mbijetuarin e diktaturës sesa individin që kandidon.

-Vota juaj për Ndregjonin demokratizon institucionin dhe nuk e politizon atë.

-Me votën tënde nderon veten, përçon paqen ndaj urrejtjes.

-Shoqëria Civile, Unioni i të Burgosurve dhe të Përndjekurve Politikë të Shqipërisë.

-Shoqata antikomuniste "14 Janari", Shoqata antikomuniste "2 Prilli".

-Shoqata Kombëtare e Kulakëve të Shqipërisë. Shoqata e studentëve Brain Gain.

-Ish-pjesëmarrësit e revoltës antikomuniste të Spaçit, Demir Pojani, Nuri Stepa, Pavllo Popa!/ CNA