E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

"Të miratohet rezolutë për aktet armiqësore ndaj demokracisë”/ Berisha: Kreun e opozitës në Evropë e ka arrestuar vetëm Edi Rama

17 Shkurt 2025, 15:29, Politikë CNA

"Të miratohet rezolutë për aktet armiqësore ndaj

Kreu i Partisë Demokratike, Sali Berisha, kërkoi sot që në parlament të miratohet një rezolutë, në të cilën të dënohen aktet armiqësore ndaj shqiptarëve dhe demokracisë.

Gjatë fjalës së tij në Kuvend, Berisha tha se Edi Rama është i vetmi në Evropë që ka arrestuar kreun e opozitës.

Berisha theksoi fjalën e zv.Presidentit të SHBA-së, JD Vance, sipas të cilit armiku më i rrezikshëm i një shteti është armiku i brendshëm, që e lidhi me disa prej ngjarjeve të ndodhura së fundmi në vend.

“Të dashur qytetarë dhe qytetare, ky parlament bën sikur nuk ekziston. Dy ditë më zv.Presidenti i SHBA-ve në mënyrë eksplicite u tha europianëve, shqiptarëve dhe botës se armiku më i rrezikshëm është ai që keni brenda, sepse është ai armik që arreston kreun e opozitës.

Dhe kreun e opozitës në Europë e ka arrestuar vetëm Edi Rama. Lukashenko jo, e ka jashtë vendit, nuk e ka në burg.

Iu tha se armiku juaj i brendshëm është ai që ju mbyll mediat sociale, dhe rrjetin social 'Tik Tok' ka vendosur ta mbyllë Edi Rama, sepse nuk duron dot kritikat, talljet, përqeshjet e të rinjve, e qytetarëve.

Në fjalën e tij historike, ju them unë ju, fjala më e rëndësishme që është mbajtur në këtë kontinent, pas asaj që ka mbajtur në portën e Brandenburgut, Ronald Reagan.

Ju tha, arrestoni gazetarët. Dy gazetarë i arrestoi para dy muajsh Edi Rama.

Tani, kam propozimin tim: Edi Rama të vijë urgjent në parlament dhe urgjent të miratohet këtu një rezolutë në të cilën të dënohen këto akte armiqësore ndaj shqiptarëve dhe demokracisë.

Zv.Presidenti JD Vance deklaroi se ky është rreziku më i madh i qytetarëve, ky është rreziku më i madh i qytetarëve të Shqipërisë. Po ky, është rrezik për të gjithë ata që aspirojnë dhe ëndërrojnë të jenë të lirë, dhe jo ata të cilët pasurohen në mënyrë të tmerrshme duke vjedhur qytetarët shqiptarë.

Ndaj ju, duhet të ishit vetë ju, që të kërkonit një debat me urgjencë. Ky është vetëm njëri kapitull, natyrisht më dramatiku. Se ky ka të bëjë me sistemin, çfarë sistemi jemi. Jemi në sistem demokrat, apo jemi në sistem tiranie.

Dakord. Ky është propozimi, hidheni në votë dhe pastaj vazhdojmë”, - tha Berisha në Kuvend./CNA