E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ecuria e përgatitjeve për zgjedhjet e 11 majit/ KQZ jep detaje të reja

18 Shkurt 2025, 19:15, Politikë CNA

Ecuria e përgatitjeve për zgjedhjet e 11 majit/ KQZ jep detaje të

Komisioni Qendror i Zgjedhjeve ka ndarë këtë pasdite detaje të reja nga ecuria e përgatitjeve për zgjedhjet e 11 majit. Detajet u bënë me dije gjatë një bashkëbisedimi me përfaqësuesit e medias nga komisioneri shtetëror Ilirjan Celibashi.

Sa i përket numërimit dhe vlerësimit të votave nga jashtë:

Procesi do të kryhet nga një komision prej 4 anëtarësh dhe një sekretari, të emëruar nga KSHZ:

• 2 anëtarë do të propozohen nga partia më e madhe e shumicës parlamentare.

• 2 anëtarë do të propozohen nga partia më e madhe e pakicës parlamentare.

• Sekretari, me profesion jurist, do të emërohet përmes një procesi të hapur aplikimi

Grupet e numërimit do të përbëhen nga 2 anëtarë:

• 1 anëtar nga partia më e madhe e shumicës parlamentare.

• 1 anëtar nga partia më e madhe e pakicës parlamentare.

Sa i përket ndryshimeve në afatet e regjistrimit të subjekteve zgjedhore:

• 75 ditë para zgjedhjeve – Afati për dorëzimin e kërkesave të partive politike për regjistrim si subjekte zgjedhore.

• 70 ditë para zgjedhjeve – Afati për regjistrimin e koalicioneve zgjedhore.

• 60 ditë para zgjedhjeve – Afati për dorëzimin e listave shumemërore të kandidatëve.

Sa i përket ndryshimeve të tjera në Kodin Zgjedhor:

• Rregullat për transmetimin e reklamave politike për kandidatët e listave shumemërore që i nënshtrohen votimit parapëlqyes.

• Dispozita të reja mbi shpenzimet financiare të subjekteve zgjedhore dhe kandidatëve.

Afatet kryesore të procesit zgjedhor janë:

• 25 Shkurt – Përfundon afati për regjistrimin e partive politike dhe komiteteve nismëtare.

• 25 Shkurt – KSHZ publikon listën paraprake të zgjedhësve nga jashtë.

• 3 Mars – Përfundon afati për regjistrimin e koalicioneve zgjedhore.

• 12 Mars – Përfundon afati për dorëzimin e listave shumemërore të kandidatëve.

• 17 Mars – Përfundon afati për verifikimin e dokumentacionit të kandidatëve.

• 20 Mars – Përfundon afati për plotësimin e dokumentacionit të kandidimit.

• 25 Mars – Përfundon afati për miratimin e listave shumemërore.

Sa i përket përgatitjeve për zgjedhjet:

• 93 KZAZ-të në të gjithë vendin janë konstituuar dhe janë plotësisht funksionale.

• 114,780 zgjedhës do të votojnë për herë të parë në këto zgjedhje.

KQZ ka vënë në dispozicion një shërbim asistence përmes të gjitha kanaleve të komunikimit dhe ka krijuar një sistem të dedikuar për rezervimin e telefonatave për ndihmë të drejtpërdrejtë me strukturat e KQZ-së./CNA