web counter
LEXO PA REKLAMA!

SHKARKO APP

App Store
Google Play

Protesta për mbylljen e "TikTok"-ut/ Berisha: Do të jetë kundër censurës

10 Mars 2025, 13:54, Politikë CNA

Protesta për mbylljen e "TikTok"-ut/ Berisha: Do të

Kryetari i Partisë Demokratike, Sali Berisha, ka folur për protestën e 15 marsit, e nxitur nga vendimi për mbylljen e "TikTok"-ut.

Kreu i PD-së e cilësoi këtë vendim si një akt hakmarrjeje të kryeministrit ndaj të rinjve, të cilët sipas Berishës i bëjnë kritika Ramës.

Berisha tha se do të jetë një protestë kundër censurës.

“Protesta kundër censurës po afron. Është një protestë që është mirëpritur jashtë mase nga nxënësit, studentët dhe të rinjtë, jashtë mase! Ata, e konsiderojnë censurën një akt brutal direkt kundër tyre. Pra, qendrimi ndaj TikTok-ut është një qendrim censure. Sepse, nuk e mohoj që smartfoni ka një ndikim tek të rinjtë dhe te fëmijët, në kuptimin e konsumimit të kohës më shumë se sa duhet. Por, nuk është TikTok-u si i tillë. Jo!
Të gjithë, ata që kanë fëmijë e dinë se fëmija edhe pa dalë aplikacioni i Tik Tokut, preferonte të navigonte, lundronte në smartfon në google e këto të tjera. Pra, është një akt hakmarrës i Edi Ramës ndaj kritikave që i bëjnë të rinjtë. Se ta keni një gjë parasysh. I riu, për definicion, nuk mund ta ketë kurrë arrogancën. Kjo ështëa rsyeja që të rinjtë nuk e pëlqejnë Edi Ramën. Nuk e pëlqejnë, nuk e duan, jo. Arrogant thonë. Dhe, pikërisht për këtë arsye ai mbyll Tik Tokun, se atë e kritikojnë, e ironizojnë, e tallin në Tik Tok. Pra, është një akt censure e tmerrshme, nuk pajtohet njeri me këtë gjë. Kështu që, do jetë një protestë kundër censurës, natyrisht e lidhur me mbylljen e TikTok-ut”, deklaroi kryedemokrati./ CNA





Lajmet e fundit nga