web counter
LEXO PA REKLAMA!

SHKARKO APP

App Store
Google Play

Dalin dokumentet/ Agim Ismaili kërkonte materiale inkriminuese kundër Ulsi Manjës

16 Janar 2026, 19:40, Denoncim CNA

Dalin dokumentet/ Agim Ismaili kërkonte materiale inkriminuese kundër

Disa dokumente të reja nga kanë dalë në dritë nga dosja e përgjimeve të SPAK sjell të panjohura lidhur me ish-drejtorin e Përgjithshëm i Burgjeve, Agim Ismaili.

Sipas komunikimeve të nxjerra nga përgjimet, dyshohet se Agim Ismaili ka tentuar të sigurojë materiale inkriminuese që lidhen me deputetin socialist Ulsi Manja.

CNA ka siguruar disa materiale, prej së cilave qartazi implikohet Ismaili në disa SMS të shkëmbyera me Zambak Gjonin.

Dalin dokumentet/ Agim Ismaili kërkonte materiale inkriminuese kundër

Ky i fundit është një nga të pandehurit e dërguar për gjykim nga SPAK për hakerimin e sistemeve të saj informatike dhe po gjykohet nën masën e sigurisë “arrest me burg”.

Nga komunikimet del se Gjoni i ka shkruar Ismaili se i ka kërkuar një shokut të tij të “gërmojë” në SPAK lidhur me Manjën dhe Ismaili i është kundërpërgjigjur me një mesazh se një gjë e tillë do të ishte e hatashme.

“Konkretisht sms e të hetuarit Zambak Gjoni, drejtuar shtetasit Agim Ismaili me përmbajtje: “I thash kti shokut te gërmoje te SPAK-u mos ka gjë për Ulon” dhe shtetasi Agim Ismaili përgjigjet: “aaaaa do ishte e hatashme”. Gjithashtu, me interes është edhe sqarimi i të hetuarit Zambak Gjoni lidhur me këto dokumenta se: “E kam gjet një burim në SPAK".

Dalin dokumentet/ Agim Ismaili kërkonte materiale inkriminuese kundër

Agim Ismaili është paraqitur për të disatën herë në Prokurorinë e Posaçme dhe SPAK e ka dërguar për gjykim më datë 15 janar, si të pandehur bashkë me Zambak Gjonin dhe Arnold Rrokajn.

Në dokumente vihet re se në komunikimin me Gjonin, Ismaili këmbëngul për gjetjen e ndonjë materiali për Manjën, me mesazhe edhe në orët e vona të mbrëmjes.

“Për sa më sipër, analizohet se komunikimi i të hetuarit Zambak Gjoni me shtetasin Agim Ismaili, përputhet edhe me komunikimet e të hetuarit Zambak Gjoni me të hetuarin Arnold Rrokaj, pasi më datë 19.02.2025, ora 17:51:56, i hetuari Zambak Gjoni i kërkon të hetuarit Arnold Rrokaj nëse: "Po per ulsin ka gje gjekundi"... dhe disa orë më vonë, në orën 21:27:54, i konfirmon shtetasit Agim Ismaili, se ka porositur mikun e tij, të: "gërmoje te spaku mos ka gje per ulon",-thuhet  ndër të tjera në dosje.

Po ashtu, është e faktuar se Ismaili është interesuar përmes Gjonit për Ulsi Manjën, që e përmend vazhdimisht nën pseudonimin/shkurtimin “Ulo”.

Në një nga komunikimet, Gjoni i përgjigjet se “nuk ka kapur gjë akoma”.

Dalin dokumentet/ Agim Ismaili kërkonte materiale inkriminuese kundër

“Nga komunikimet e të hetuarit Zambak Gjoni me shtetasin Agim Ismaili, merret dijeni mbi rrethanën se jo vetëm që këto dokumente janë transmetuar tek shtetasi Agim Ismaili, por se ky i fundit, nëpërmjet të hetuarit Zambak Gjoni, kërkon që marrja dhe kërkimi i dokumenteve të vazhdojë edhe për persona të tjerë, si shtetasi me emrin "Ulo", fakt i cili konfirmohet nga vetë sms e shtetasit Agim Ismaili, datë 21.02.2025, ora 09:58:15 se: "Po per ulon a ka naj gjo”, dhe përgjigjia e të hetuarit Zambak Gjoni se: "Skemi kap gje akoma dreqin",-shkruhet në dokument.

Dalin dokumentet/ Agim Ismaili kërkonte materiale inkriminuese kundër

Ende nuk dihet se për cilat motive do të duheshin apo përdoreshin të dhënat që do të siguronte Agim Ismaili për Ulsi Manjën.

Me të drejtë lind dyshimi për të tilla raste, por edhe për rastin konkret se materiale të tilla implikuese mund të përdoreshin kundrejt përfitimeve politike ose dëmtim të figurës publike të deputetit Manja.

Gjithsesi, fakti është se Ismaili ka kërkuar materiale inkriminuese ndaj Ulsi Manjës, gjë që dëshmohet më së miri nga të gjitha detajet e mësipërme.

Vlen të theksohet se Agim Ismaili është larguar nga detyra nga ish-ministri i Drejtësisë Ulsi Manja, pas një kontrolli të bërë nga Kontrolli i Lartë Shtetëror në Drejtorinë e Përgjithshme të Burgjeve dhe rekomandaimi ishte që Ismaili të largohej. Pas kontrollit të KLSH-së, Ulsi Manja e ka larguar dhe mesa duket, për t’u hakmarrë, Agim Ismaili kërkonte materiale të tjera kundër Ulsi Manjës./CNA





Lajmet e fundit nga