Erion Veliaj: Në burg më futi Saliu

14 Janar 2026, 14:27, Denoncim CNA

Në letrën dërguar senatorëve dhe kongresmenëve amerikanë, Erion Veliaj vijon mashtrimet e tij publike. Veliaj në letrën e dërguar në Departamentin e Drejtësisë thotë se prokurori Ols Dado është anëtar aktiv i Partisë Demokratike, parti kjo e drejtuar nga Sali Berishën.

Dokumentet- "Griselda 2” nga Erion Veliaj/ Mashtrohen senatorë dhe kongresmenë amerikanë
14 Janar, 14:16

Ndërkohë vetë Berisha është shpallur “non grata” dhe është nën hetim nga Prokuroria e Posaçme. Megjithatë mashtrimi nuk përfundon me kaq. Më tej, Veliaj thotë se SPAK-u kujdeset që t’i caktojë një gjyqtar të lidhur me PD-në, ndërkohë që shorti i gjykatësve hidhet nga GJKKO-ja jo nga SPAK-u.

Erion Veliaj: Në burg më futi Saliu

Berisha nën akuzë nga SPAK-u, i hetuar nga SPAK dhe i cili akuzon 24 orë SPAK-un, sipas pretendimeve të kryebashkiakut, e ka futur në burg Erion Veliajn nëpërmjet Ols Dados.

Pse Berisha sulmon Altin Dumanin dhe Reformën në Drejtësi?
23 Maj, 11:36

Këto nuk janë veçse, filma fantastiko-shkencorë të një mendjeje djallëzore të pashpjegueshme.

Pjesë nga letra dërguar senatorëve amerikanë:

Hetimi i SPAK-ut ndaj Erionit drejtohet nga prokurori Ols Dado, i cili është në konflikt interesi. Dado është një anëtar aktiv i Partisë Demokratike, një parti opozitare autoritare, e cila udhëhiqet nga ish-kryeministri Sali Berisha, i cili vetë është sanksionuar dhe i është ndaluar hyrja në SHBA dhe Mbretërinë e Bashkuar. Berisha dhe Partia Demokratike garuan në zgjedhjet e fundit kombëtare parlamentare të 11 majit.

Dado është gjithashtu një zhvillues pronash në Tiranë. Ai paraqiti një kërkesë në zyrën e kryetarit të bashkisë për të modifikuar një leje ndërtimi në pronën që zotëronte, e cila iu refuzua.

Çuditërisht, ai tani po heton me paturpësi Erionin, si dhe zhvilluesit konkurrentë që kishin leje të miratuara në Tiranë. Nuk ka prova për veprime të paligjshme në miratimet ose refuzimet e lejeve. Erioni është i vetmi person nën hetim që është burgosur.

Gjyqtarët e SPAK-ut caktohen me rotacion. SPAK duket se është siguruar që çështja e Erionit t'i caktohet një gjyqtari me lidhje të njohura me Partinë Demokratike të opozitës. /CNA