web counter
LEXO PA REKLAMA!

SHKARKO APP

App Store
Google Play

E fundit!

x

Shkelje flagrante e ndarjes së pushteteve/ Komisioni "Xhafaj", inspektim në Gjykatën e Korçës

29 Janar 2026, 12:31, Denoncim CNA

Shkelje flagrante e ndarjes së pushteteve/ Komisioni "Xhafaj",

Bledi Çomo, deputet i Kuvendit të Shqipërisë dhe anëtar i Komisionit për Nismat Qytetare, Bashkëpunimin dhe Mbikëqyrjen Institucionale, ka shkuar në Gjykatën e Korçës me pretendimin për ta “inspektuar” apo “monitoruar” atë.

Ky veprim përbën një shkelje flagrante të Kushtetutës, të ligjeve në fuqi dhe të Rregullores së Kuvendit, si dhe një akt presioni të drejtpërdrejtë ndaj një pushteti të pavarur.

Gjykatat nuk janë institucione që monitorohen apo mbikëqyren nga Kuvendi. Nuk ekziston asnjë dispozitë ligjore që i njeh Parlamentit të drejtën për të inspektuar veprimtarinë e gjykatave.

Sistemi gjyqësor ka organet e veta kushtetuese të kontrollit dhe mbikëqyrjes, si Këshilli i Lartë Gjyqësor (KLGJ) dhe Inspektori i Lartë i Drejtësisë (ILD), të cilat janë të vetmet institucione të autorizuara për këtë qëllim.

Edhe sikur të pretendohej një veprim “monitorues”, çdo deputet apo komision parlamentar është i detyruar të marrë më parë miratim në Konferencën e Kryetarëve.

Një miratim i tillë nuk mund dhe nuk duhet të jepet, pasi gjykatat nuk përfshihen në listën e institucioneve që i nënshtrohen mbikëqyrjes parlamentare. Çdo vendim i kundërt do të ishte në kundërshtim të hapur me parimin e ndarjes së pushteteve.

Vajtja e Bledi Çomos, ashtu si edhe e çdo deputeti tjetër, qoftë nga Partia Socialiste apo Partia Demokratike, anëtarë të çfarëdo komisioni parlamentar, në gjykata në Korçë, Vlorë, Shkodër apo kudo tjetër në vend, për qëllime inspektimi apo monitorimi, është një akt i paligjshëm dhe një skandal institucional.

Deputetët dhe komisionet parlamentare nuk kanë asnjë kompetencë për të shkuar në gjykata dhe për të ushtruar forma kontrolli apo mbikëqyrjeje.

Ky veprim përbën shkelje të rëndë të Rregullores së Kuvendit, shkelje të rëndë të Kushtetutës së Republikës së Shqipërisë dhe shkelje të drejtpërdrejtë të ligjeve të vendit, duke cenuar në mënyrë serioze pavarësinë e pushtetit gjyqësor. /CNA





Lajmet e fundit nga